Toshkentda fuqaro Qizil kitobga kiritilgan qushlarni saqlab kelayotgani aniqlandi

^{Foto: Ekologiya vazirligi axborot xizmati}
Toshkent shahar Olmazor tumanida fuqaro o‘z uyida Qizil kitobga kiritilgan qushlarni saqlab kelayotgani aniqlandi. Bu haqda Ekologiya vazirligi axborot xizmati xabar berdi.

Ma’lum qilinishicha, Ekologiya boshqarmasi Olmazor tumani bo‘limi inspektorlari tomonidan navbatdagi reyd tadbiri o‘tkazildi. Reyd davomida tumandagi “Guruchariq” mahallasi xonadonlarining birida 1 juft, O‘zbekiston Qizil kitobiga kiritilgan Turkiston oq laylaklari saqlanayotgani aniqlandi.

Holat yuzasidan o‘rganish ishlari olib borildi. Natijada fuqaro B. A. qushlarni o‘tgan yilning yoz oyida Sirdaryo viloyatida qanotlari singan holda topib olgani hamda ularga yordam ko‘rsatib, parvarish qilib kelayotgani aniqlandi.

Fuqaroga yovvoyi, shuningdek, O‘zbekiston Qizil kitobiga kiritilgan jonzotlarni uyda noqonuniy saqlash mumkin emasligi tushuntirildi. Oq laylaklar esa tabiat bag‘riga qo‘yib yuborildi. “Zamin”ni Telegramʻda oʻqing!