O‘zbekistonda soxta psixologlar faoliyatini tartibga soluvchi qonun loyihasi ishlab chiqildi. Bu haqda Oliy Majlis Qonunchilik palatasi deputati Shahnoza Xolmaxamatova xabar berdi.
Deputatga ko‘ra, uzoq va qizg‘in tortishuvlar, munozaralar va muhokamalardan so‘ng psixologik yordam ko‘rsatishni tartibga solishga qaratilgan “Aholiga psixologik yordam ko‘rsatish to‘g‘risida”gi qonun loyihasi ishlab chiqilgan.
“Joylarda o‘tkazilayotgan uchrashuv va muloqotlarda 2 yoki 3 oylik shubhali kurslarni tamomlagan shaxslar o‘zlarini “psixolog” deb tanishtirib, odamlarning qimmatli vaqti va mablag‘ini “o‘g‘irlayotgani”, bu masalani qonun bilan tartibga solish zaruratiga oid masala tez-tez ko‘tarilib turgandi. Ko‘p millionli auditoriyani o‘zida jamlayotgan ijtimoiy tarmoqlarni ham kuzatdik: haqiqatan ham, 5-6 ta risolani varaqlab chiqib, odamlarning ishonchiga kirib, ularning ruhiy, ma’naviy dunyosiga daxl qilayotgan “psixolog”lar ko‘payganini ko‘rib turibmiz.
Bu mavzuda ilgari ham o‘z fikrimni bildirgandim: psixologlar faoliyatiga oid qonunchilikni takomillashtirish shart va zarur.
Qonunchilik palatasidagi bir guruh hamkasblarimiz bilan hamkorlikda masalani chuqurroq o‘rgandik, mutaxassislar, ekspertlar bilan qayta-qayta uchrashib, muhokamalar o‘tkazdik. Bir necha oylik muttasil izlanishlardan so‘ng Adliya vazirligi bilan hamkorlikda “Aholiga psixologik yordam ko‘rsatish to‘g‘risida”gi qonun loyihasini ishlab chiqdik.
Hozircha ilk va muhim qadam qo‘yildi, psixologlar faoliyatiga oid huquqiy asos yaratiladi”, deya yozgan deputat.
Shahnoza Xolmaxamatovaning qo‘shimcha qilishicha, loyihani tez orada Qonunchilik palatasiga kiritish rejalashtirilmoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Italiya sudi Quddus Isroil poytaxti emasligi haqida qaror chiqardi
Shavkat Mirziyoyev Rossiya bosh prokurori bilan uchrashuv o‘tkazdi
22 noyabr kuni Cobalt avtomobiliga shartnoma ochilishi e’lon qilindi
2026 yilda bo‘lajak mundialning favoritlari reytingi taqdim etildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
