Toshkent viloyatidagi korxonalarda 9618 nafar xodimlar legallashtirilib, 2,6 mlrd. so‘m daromad solig‘i bazasi yaratildi

Toshkent viloyati soliq boshqarmasi bo‘lim boshlig‘i Sh. Shafasov rahbarligidagi ishchi guruh Bo‘stonliq tumanida ishsizlikni kamaytirish, norasmiy band bo‘lganlarni rasmiy mehnat munosabatlariga jalb etish maqsadida o‘rginish ishlarini olib bormoqda.

Ishchi guruhmazkur tumanning Namuna mahalla fuqarolar yig‘inida joylashgan "Mubina zinnura fayz" hamda “Otabek shahzod fayz” fermer xo‘jaliklarida bo‘lib, ish jarayonlari bilan yaqindan tanishdilar.

Suhbat davomida xodimlarning faoliyatiga qonuniy tus berish, yangi ish o‘rinlarini legallashtirish zarurligi tushuntirildi.

Natijada yuqoridagi fermer xo‘jaliklarida yangi ish o‘rinlari yaratilib, 2 nafar xodim ishga olinadi va faoliyati qonuniylashtiraladigan bo‘ldi.

Aytish kerakki, joriy yilning o‘tgan davrida Toshkent viloyati soliq xizmati xodimlarining sa’yi –harakatlari bilan - 3928 ta subyektlar faoliyati qayta tiklandi, 8150 ta subyektlar ro‘yxatga olindi, shundan 6651 nafar yakka tartibdagi tadbirkor va 1499 ta yuridik shaxslardir. Shuningdek, 123 484 nafar o‘zini o‘zi band qilgan shaxslar hamda 2551 ta dehqon xo‘jaligi tashkil etgan shaxslar ro‘yxatga olindi.

Bundan tashqari 5 553 ta korxonalardagi 9618 nafar xodimlar legallashtirilib, 2,6 mlrd. so‘m daromad solig‘i bazasi yaratildi. Bu yo‘nalishda ishlar davom etmoqda. “Zamin” yangiliklarini “Vkontakti”da kuzatib boring