Foto: Videodan kadr
Davlat xavfsizlik xizmatining Surxondaryo viloyati bo‘yicha boshqarmasi xodimlari tomonidan viloyat IIB bilan hamkorlikda o‘tkazilgan tezkor tadbirda, tojikistonlik narkosavdogar aylanma yo‘llar orqali yuborgan 11 kg 942 gr “gashish” moddasini qabul qilib olib, Sho‘rchi tumanidagi to‘yxona yaqinida joylashgan simyog‘och ostiga yashirib ketmoqchi bo‘lgan vaqtlarida, o‘zaro qarindosh hisoblangan 2 nafar mahalliy fuqaro qo‘lga olindi.
Shuningdek, ular ajal og‘usini belgilangan joyga qoldirib ketganlaridan so‘ng, uni boshqa shaxs olib ketishi kerakligi aniqlanib, tezkor tadbir davom ettirildi va giyohvandlik vositasini xufiya joydan olish uchun kelgan Uzun tumanida yashovchi fuqaro ham ushlandi.
Avvalroq Tojikistonning Tursunzoda tumanida yashovchi Tojikiston fuqarosi mamlakatga kontrabanda yo‘li bilan olib kelingan 3 kg 980 gr “opiy” moddasini Sho‘rchi tumanida xaridorga 17 500 AQSH dollariga sotgan vaqtida ashyoviy dalillar bilan ushlangani to‘g‘risida xabar berilgan edi.
Shu tariqa o‘zbek-tojik davlat chegarasining Sho‘rchi yo‘nalishidagi narkokanal faoliyatiga chek qo‘yildi.
Davlat xavfsizlik xizmatining Farg‘ona viloyati bo‘yicha boshqarmasi xodimlari tomonidan o‘tkazilgan tezkor tadbirda esa Qo‘qon-Farg‘ona yo‘nalishida harakatlanayotgan “Treker” rusumli avtotransport vositasi Bog‘dod tumanida to‘xtatilib ko‘zdan kechirilganda, unda Farg‘ona shahrida yashovchi 3 nafar shaxs 11 kg 966 gr “gashish” moddasini olib ketayotgani aniqlanib, protsesssual tartibda rasmiylashtirib olindi.
Shuningdek, ularni boshqa avtomashinada kuzatib borayotgan va giyohvandlik vositasining haqiqiy egasi bo‘lgan, Farg‘ona shahrida yashovchi er-xotin ham qo‘lga olindi.
Mazkur er-xotin muqaddam giyohvandlik vositalari savdosi bilan bog‘liq jinoyatlari uchun sudlangan shaxslar hisoblanadi.
Tergovga qadar tekshiruv davomida, ular Tojikistondan kontrabanda yo‘li bilan olib kelingan ajal og‘usini Qo‘qon shahrida yashovchi ayoldan sotib olgani aniqlanib, u ham protsessual tartibda ushlandi.
Boshqa holatda esa Qo‘qon-Marg‘ilon yo‘nalishida harakatlanayotgan “Neksiya” rusumli avtotransport vositasi Qo‘shtepa tumani hududida to‘xtatilib ko‘zdan kechirilganda, unda yo‘lovchi sifatida ketayotgan, Qo‘qon shahrida yashovchi ayolga tegishli 1 kg 941 gr “gashish” moddasi borligi aniqlanib, protsessual tartibda rasmiylashtirib olindi.
Tojikistondan keltirilgan mazkur giyohvandlik vositasi ham yuqoridagi holatda ko‘rsatilgan, ya’ni Qo‘qon shahrida yashovchi ayolga tegishli bo‘lib, uni Marg‘ilon shahriga sotish uchun olib ketayotgan bo‘lgan.
Hozirda mazkur shaxslarga nisbatan jinoyat ishlari qo‘zg‘atilib, qamoq ehtiyot chorasi qo‘llangan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Putin Ukrainadagi obyektga ballistik raketa zarbasi berilganini e’lon qildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
