Samarqandda qurilish maydonida qimmatbaho daraxtlar kesib tashlandi

^{Foto: Samarqand viloyati Ekologiya boshqarmasi}
Samarqand shahridagi qurilish maydonida daraxatlar kesib tashlandi. Bu haqda Samarqand viloyati Ekologiya boshqarmasi xabar berdi.

Ma’lum qilinishicha, Samarqand shahrida qurilish ishlarini olib borayotgan “S.Ye.Sh.” MCHJ mas’ullari tomonidan hududdagi 4 tup qimmatbaho va 1 tup kam qimmatli turdagi daraxt ildiz qismi bilan qazib tashlab, yo‘q qilingan. Holat Samarqand viloyati Ekologiya boshqarmasi Ekologik nazorat inspeksiyasi hamda shahar nazorat inspeksiyasi tomonidan olib borilgan nazorat reyd tadbiri davomida aniqlangan.


Hozirda, daraxtlarning yo‘q qilinishi oqibatida o‘simlik dunyosiga yetkazilgan zarar hisoblangan. Holatda jinoyat alomatlari bo‘lganligi uchun tegishli hujjatlar rasmiylashtirilib, qonuniy chora ko‘rish uchun huquqni muhofaza qiluvchi organlarga taqdim etilgan.


Ma’lumot uchun, Jinoyat kodeksining 198-moddasi 2-qismiga ko‘ra, o‘rmonlarni, daraxtlarni yoki boshqa o‘simliklarni qonunga xilof ravishda kesish ko‘p miqdorda zarar yetkazilishiga sabab bo‘lsa, bazaviy hisoblash miqdorining 100 baravaridan 150 baravarigacha miqdorda jarima yoki 240 soatdan 300 soatgacha majburiy jamoat ishlari yoxud 1 yildan 2 yilgacha axloq tuzatish ishlari yoki 1 yildan 3 yilgacha ozodlikni cheklash yoxud 3 yilgacha ozodlikdan mahrum qilish bilan jazolanadi. “Zamin” yangiliklarini “Twitter”da kuzatib boring