Yana bir oilaning baxtli yashashiga sabab topildi

Bugungi kunda oilada er-xotinning huquq va majburiyatlariga amal qilmasligi aksariyat hollarda nizolarga sabab bo‘layotgani va oxir-oqibat notinchlik ortidan ayrim farzandlar otasiz yoki onasiz ulg‘ayishga majbur bo‘layotgani rost.

Qachonlardir bir-birlarini yaxshi ko‘rib turmush qurgan, buning mevasi sifatida farzandlar dunyoga kelgan oila qandaydir sabablar omilida avvalgidek baxtli yashashni istashadi.

Bugungi kunda byuroning Paxtakor tuman bo‘limi tomonidan bu borada bir qator ishlar amalga oshirilmoqda.

Jumladan, Fuqarolik ishlari bo‘yicha Paxtakor tuman sudining buyrug‘iga asosan B.Raxmatov hisobidan G.Raxmatova foydasiga ikki nafar farzandining moddiy ta’minoti uchun aliment undirish bo‘yicha ijro hujjati bo‘limi ish yurituviga kelib tushgan.

Davlat ijrochisining harakatlari bilan tomonlarga to‘g‘ri huquqiy tushuntirishlar berish natijasida oila qayta tiklanib, ijro ishi amalda tamomlandi. Natijada norasida bolalar ota-onasining mehriga to‘yib o‘sadigan bo‘ldi. “Zamin”ni Telegramʻda oʻqing!