Sharof Rashidov tuman IIB Jamoat xavfsizligi xizmati jamoat tartibini saqlash guruhi vaqtincha saqlash hibsxonasi boshlig‘i A.O. jinoiy jazoga tortildi. U 2023 yil aprel oyidan ushbu lavozimda ishlab kelgan.
Kun.uz o‘rgangan sud hujjatida keltirilishicha, A.O. tergov qilinayotgan jinoyat ishi doirasida “qamoqqa olish” tarzidagi ehtiyot chorasi qo‘llanib, hibsxonada saqlanayotgan “Tosh-Shosh kapital” MCHJ mansabdori D.E. bilan yaqindan tanishgan. So‘ngra hibsxonaga oziq-ovqat va boshqa narsalar olib kirish va tergovchining ruxsatisiz yaqin qarindoshlari bilan uchrashishga sharoit yaratib berishini aytib, D.E.dan tamagirlik yo‘li bilan pul mablag‘i talab qilib olib kelgan.
Jumladan, A.O. ushbu “xizmati” uchun pora tariqasida D.E.ning turmush o‘rtog‘idan 400 AQSH dollari olgan. Pul mablag‘ining 100 AQSH dollarini o‘z ehtiyojlariga sarflab yuborib, 300 dollarini xizmat guvohnomasida saqlab kelgan. Ushbu pul mablag‘lari 2024 yil 12 fevralda o‘tkazilgan tezkor tadbir davomida ashyoviy dalil tariqasida olingan.
Shuningdek, A.O. o‘zining jinoiy harakatlarini davom ettirib, hibsxonada saqlanayotgan D.E.ga “Kafolat” advokatlar hay’ati advokati yaqin tanishi ekanini ma’lum qilgan. Advokat Jizzax shahar sudida ishlovchi tanishlari orqali yuritilayotgan jinoyat ishida unga yengillik qilib berish masalasida gaplashayotganini, buning uchun 5 ming AQSH dollari berish kerakligini aytgan. Shu tariqa, hibsxona boshlig‘i 2024 yil 12 fevral kuni soat 22:20da Jizzax shahar Olmazor mahallasi hududida D.E.ning turmush o‘rtog‘idan 5 ming AQSH dollarini olgan vaqtida tezkor tadbirda ushlangan.
Sud hukmi bilan A.O. Jinoyat kodeksining 25, 168-moddasi 3-qismi “v” bandi (xizmat mavqeyidan foydalangan holda firibgarlik qilish), 209-moddasi 1-qismi (mansab soxtakorligi), 210-moddasi 2-qismi “v” bandi (tamagirlik yo‘li bilan pora olish) hamda 28, 211-moddasi 1-qismida (pora berish) nazarda tutilgan jinoyatlarni sodir qilganlikda aybli deb topilgan. Unga nisbatan 2 yil 6 oy muddatga Ichki ishlar vazirligi tizimida mansabdorlik va moddiy javobgarlik lavozimlarida ishlash huquqidan mahrum qilgan holda 6 yil 6 oy muddatga ozodlikdan mahrum qilish jazosi tayinlangan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Shavkat Mirziyoyev Suma Chakrabarti bilan uchrashdi
