Da’vogar manfaati ta’minlandi

Majburiy ijro byurosi Namangan shahar bo‘limi tomonidan olib borilgan navbatdagi tadbir davomida da’vogar manfaati yuzasidan chiqarilgan sud qarori ijrosi ta’minlandi.

Aniqlanishicha, fuqarolik ishlari bo‘yicha Namangan tumanlararo sudining hal qiluv qaroriga ko‘ra, da’vogar Davlat aktivlarini boshqarish agentligi huzuridagi Davlat mulki obyektlaridan samarali foydalanish markazining Namangan viloyati hududiy boshqarmasining manfaati yuzasidan javobgar R.A ni bino-inshootlardan ko‘chirish belgilangan.

Mazkur ijro varaqasi Byuroning Namangan shahar bo‘limi ish yurituviga kelib tushgan.

Davlat ijrochisi tomonidan javobgarga Namangan shahar, Farovon mahalla fuqarolar yig‘ini, Qo‘qon ko‘chasida joylashgan 85-uydagi bino-inshootdan ixtiyoriy 15 kunlik muddatda ko‘chib ketishi yuzasidan vaqt berilgan. Biroq, bu muddat ichida ijro talabi bajarilmagani sababli majburiy ijro belgilandi.

Bugun tegishli tashkilotlar vakillari ishtirokida o‘tkazilgan ijro harakatlari davomida sud qarori ijrosi ta’minlandi.

Ijro hujjati amalda tamomlandi. “Zamin” yangiliklarini “Telegram”da kuzatib boring