Turkiyaning Alanya shahridagi mehmonxonada yongʻin chiqdi (video)

^{Foto: Videodan kadr}
Turkiyaning Alanya shahrida qurilayotgan koʻp qavatli mehmonxona binosida 27 yanvar kuni yongʻin yuz berdi. Bu haqda A Haber xabar berdi.

Dastlab guvohlar yongʻinni oʻchirishga uringan. Ijtimoiy tarmoqlarda tarqalgan videolarda hodisa joyidan koʻtarilgan qora tutun osmonni qoplab olgani koʻrinadi. Guvohlar 12 qavatli binoda ishchilar boʻlganini aytgan. Ishchilar ularni qutqarishlari uchun balkonlarga chiqishgan.

“Men shu erda yashayman va yongʻin sodir boʻlgan joyga yaqin joyda turaman. Tutun juda kuchli edi. Yongʻin mehmonxonani ta'mirlash paytida boshlanib ketdi. Toʻrt nafar ishchi ichkarida qolib ketdi, lekin ularni qutqarishga muvaffaq boʻlindi. Men voqea joyiga oʻt oʻchiruvchilardan keyin etib keldim”, deydi voqea guvohi boʻlgan Usmon Boysun.

Mehmonxonaga oʻt oʻchirish guruhlari etib kelgan. Binoning yuqori qavatida qolib ketgan ishchilar qutqarilgan. Ularni evakuatsiya qilish uchun kranlardan foydalanilgan. Aniqlanishicha, yongʻinga payvandlash apparatining ishlashi sabab boʻlgan. “Zamin” yangiliklarini “Telegram”da kuzatib boring