Jizzaxda avtobus va maxsus transport vositasi ishtirokida YTH sodir boʻldi

^{Foto: Videodan kadr}
Jizzax viloyati hududidan oʻtuvchi xalqaro ahamiyatga ega boʻlgan M-39 Toshkent—Termiz avtomobil yoʻlining 1000-kilometrida 30 yanvar kuni soat 13:30 larda YTH sodir boʻldi. Bu haqda viloyat IIB matbuot xizmati xabar berdi.

Ma'lum qilinishicha, yoʻlovchi tashuvchi avtobus hamda yoʻllarni tozalash uchun moʻljallangan maxsus transport vositasi toʻqnashgan.

Samarqanddan Toshkent tomon harakatlanayotgan yoʻlovchi tashuvchi avtobus oʻzidan oldinda ketayotgan, yoʻllarni tozalovchi maxsus transport vositasining orqasiga urilgan.

^{Foto: Videodan kadr}
Hodisa oqibatida haydovchilar va avtobus yoʻlovchilariga jiddiy jarohat etmagan. Uch nafar fuqaroga esa birinchi tez tibbiy yordam koʻrsatildi.

Hozirda holat yuzasidan tuman IIB tomonidan dastlabki surishtiruv ishlari olib borilmoqda. “Zamin” yangiliklarini “Telegram”da kuzatib boring