Pastdarg‘omlik qaynona nima uchun nabirasi bilan faqat MIBchilar yordamida ko‘rishmoqda?

Xalqimizda “danagidan mag‘izi shirin” degan naql bor. Bobo-buvi nevaraga mehr qo‘yadi.

Bobo-buvi va nevara o‘rtasidagi mehr ularning o‘zaro majburiyatlarining bajarilishini ta’minlaydi. Aks holda, bu kabi majburiyatlarning bajarilishini ta’minlashga sud aralashuvi bilan bo‘ladi.

Fuqarolik ishlari bo‘yicha Pastdarg‘om tuman sudining 08.07.2024 yildagi ijro varaqasiga asosan, da’vogar R.R.ning talabiga ko‘ra, 2020 yil 21 sentyabrda tug‘ilgan nabirasi bilan har oyning birinchi va uchinchi yakshanba kunlari soat 10:00 dan 17:00 gacha onasi R.U.ning ishtirokida uchrashuv tartibi belgilangan.

Davlat ijrochisi tomonidan ushbu sud qaroriga muvofiq, joriy yilning mart oyida da’vogar qaynonaga o‘z nabirasi bilan uchrashuv tashkil qilinishi ta’minlandi.

Mazkur uchrashuvlar har oyning belgilangan kunlarida, belgilangan vaqtda va tartibda o‘tkaziladi va bu holat har tomonlama qonunga muvofiq amalga oshiriladi. “Zamin” yangiliklarini “Telegram”da kuzatib boring