Farg‘onada "Bolalarga kitob bering" chellenjiga start berildi!

Majburiy ijro byurosi nafaqat qonun ustuvorligini ta’minlash, balki jamiyat hayotining turli jabhalariga faol hissa qo‘shish, ayniqsa, yosh avlod kamolotiga g‘amxo‘rlik qilish borasida ham izchil ishlarini davom ettirmoqda.

Bugungi kunda "Kitob – bebaho xazina" shiori ostida MIB tomonidan noyob va mazmunli aksiya – "Bolalarga kitob bering" chellenji muvaffaqiyatli tashkil etildi.

Jumladan, Oltiariq tuman bo‘limi davlat ijrochilari D.Mamajonov va U.O‘ktamovlar "Uzumchi", " Oq oltin" hamda "Mirfozil" mahallalarda yashovchi ehtiyojmand aliment oluvchi onalar farzandlariga yosh o‘quvchilarga mo‘ljallangan qiziqarli jahon adabiyoti durdonalarini hdya etish.

Ushbu tashabbusning asosiy maqsadi – kichkintoylarimizning kitobxonlik madaniyatini oshirish, ularni ma’naviy boyitish, bilimga chanqoqligini qondirish va tafakkurini kengaytirishdir.

Zero, bolalikdan kitobga oshno bo‘lgan inson – bu kelajakning porloq fuqarosi, mamlakat taraqqiyotining poydevoridir. “Zamin”ni Telegramʻda oʻqing!