AQSh Markaziy razvedka boshqarmasi kelgan xulosaga ko‘ra, Rossiya 2016 yilgi AQSh prezidentlik sayloviga aralashgan ko‘rinadi. Moskva Donald Trampning g‘alabasini ta’minlash uchun shunday yo‘l tutgan, deb yozmoqda The Washington Post nashri o‘z manbalariga asoslangan holda.
Nashr ma’lumotlariga ko‘ra, maxfiy xizmatlar go‘yoki RF hukumati bilan bog‘liq bo‘lgan va WikiLeaks saytiga Demokratik partiya serveridan o‘g‘irlangan minglab maktublarni topshirgan xakerlarning shaxsini aniqlashga muvaffaq bo‘lishgan. Xakerlar, shuningdek, Hillari Klinton saylovoldi kampaniyasi rahbari Jon Podestaning maktublarini ham o‘g‘irlashgan edi. Nashr manbalarining aytishlaricha, aniqlangan shaxslar MRBga avvaldan ma’lum bo‘lib, "Rossiyaning Trampni ilgari surish va Klintonga zarar etkazish amaliyotining bir qismi hisoblanadi".
"Razvedka boshqarmasi kelgan xulosaga binoan, Rossiyaning maqsadi nomzodlardan biri, Trampning g‘alaba qozonishiga yordam berishdan iborat bo‘lgan. Bu umumiy qarashdir", — deb yozgan nashr yuqori lavozimli Amerika mulozimiga tayangan holda.
AQShdagi turli OAVning FQBdagi manbalari Demokratik partiya serverlarini "rus" xakerlari buzganiga bir necha marotaba shama qilishgan edi. OAVlarida esa, Rossiya AQShdagi saylov natijasiga ta’sir ko‘rsatishni xohlayotganiga oid taxminlar ilgari surilgandi.
Shu bilan birga, rasmiy shaxslar, shu jumladan prezident Barak Obama ham bu xususda yakuniy xulosa chiqarilmaganini bildirgan. Rasman FQB tergov jarayoni borishini oshkor qilgani yo‘q. AQSh hukumati esa, Rossiyaning xakerlik hujumlariga aloqasini isbotlovchi dalillarni taqdim etmayapti.
Rossiya prezidenti Vladimir Putin, o‘z navbatida, xakerlik hujumlarida Rossiyaning ayblanishiga javoban, oshkor qilinayotgan ma’lumotlarda Rossiya manfatlariga javob beradigan hech narsa yo‘qligini ta’kidlagan hamda o‘sha axborotlar mazmunidan saylovchilar e’tiborini chalg‘itish uchun shunday qilinayotganini aytgan edi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Putin Ukrainadagi obyektga ballistik raketa zarbasi berilganini e’lon qildi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
