“Oldi-berdi”dagi 186 million so‘m haqdorlik undirib berildi

Keyingi yillarda jismoniy hamda yuridik shaxslar o‘rtasida qarz munosabatlari bilan bog‘liq huquqiy munosabatlarning tobora ortib borayotganligi, shu o‘rinda, ushbu munosabatlar natijasida turli nizolarning kelib chiqayotganligining guvohi bo‘lmoqdamiz.

Bir taraf qarz olib, zimmasiga olgan majburiyatini bajarmasligi oqibatida ikkinchi taraf muammosini sud orqali hal qilish zarurati paydo bo‘lmoqda. Shu sababdan, Byuro organlariga qarz va qarzdorlikni undirish haqidagi ijro hujjatlarining kelib tushish soni ham ortib bormoqda.

Jumladan, Andijon viloyat sudi fuqarolik ishlari bo‘yicha sudlov hay’atining ijro varaqasiga asosan qarzdor M.A.dan undiruvchi A.A. foydasiga jami 186 441 000 so‘m undirilishi ko‘rsatilgan.

Majburiy ijro byurosi Asaka tuman bo‘limi xodimlari tomonidan ijro ishi yuritish qo‘zg‘atilib, qarzdor ogohlantirilgan. Ijro harakatlari olib borilib, huquqiy tushuntirishlar berilgan. Natijada, qarzdor M.A.dan undiruvchi A.A.ga jami 186 441 000 so‘m pullar undirib berilishi ta’minlandi.