O‘zbekistonda maktab bitiruv kechalarini dabdabali tarzda o‘tkazishga yana bir bor cheklov joriy etilgani haqida xabarlar tarqaldi. Yangi tartibga ko‘ra, bitiruv marosimlarini restoran, kafe va boshqa umumiy ovqatlanish maskanlarida tashkil etish taqiqlanadi.
Eslatib o‘tilishicha, ushbu cheklov faqat restoran va kafelargagina emas, balki xonadonlarda katta yig‘inlar o‘tkazish hamda ommaviy sayrlar tashkil etishga ham tegishli. Shuningdek, bayramona dasturxon uchun o‘quvchilar tomonidan pul yig‘ish holatlariga ham ruxsat berilmasligi ta’kidlanmoqda.
Qayd etilishicha, bu tartib mamlakatdagi barcha umumta’lim maktablariga birdek tatbiq etiladi. Maqsad — bitiruv tadbirlarini ortiqcha sarf-xarajatlarsiz, sodda va tartibli shaklda o‘tkazishdir.
Shu bilan birga, ijtimoiy tarmoqlarda ushbu qaror keng muhokama qilinib, foydalanuvchilar turli hazil va munosabatlar bildirmoqda. Ayrimlar bu yilgi bitiruv kechalari eng ko‘pi bilan oddiy uy hovlilarida o‘tishini kinoya bilan yozib qoldirishmoqda.
“Zamin”ni Telegramʻda oʻqing!
