Endi qizlar ham mobil ilova yaratishlari mumkin

Toshkent shahridagi Inha universiteti tashabbusi bilan Buyuk Britaniyaning O‘zbekistondagi elchixonasi hamkorlikda ta’lim loyihasi tashkil etildi. Unda 60 nafar qizlar Toshkent shahridagi Inha universiteti qoshidagi CodeCraft dasturlash kurslarida 1 oy bepul ta’lim oladilar, deb yozmoqda Uz24 sayti.

Darslar 10 iyul kuni boshlanadi. Darslar 15 kishilik 4 ta guruhda ikki soatdan haftasiga uch martda o‘tkaziladi. Loyiha ishtirokchilari “Scratch” tilida dasturlash va “MIT App Inventor” platformasidagi “Android” mobil ilovalarini yaratishni o‘rganadilar.

CodeSraft kurslari rahbari Nuriddin Nurimov shunday dedi: “Mazkur qo‘shma loyiha qizlarning salohiyatini oshirishga va axborot texnologiyalari sohasida gender tenglikni ta’mirlashga qaratilgan. Hozirda dasturlash erkaklarning kasbi deb qaraladigan stereotip mavjud. Qizlar ham yaxshi dasturchi bo‘lishlari va erkak dasturchilarga raqobatchi bo‘lishlari mumkin”.

“Qizlar dasturlashni kelajak kasblari sifatida tanlasalar ular foyda ko‘radilar. Masalan, turmush qurganlaridan so‘ng yoki bola parvarish qilish vaqtida, ular uylaridan turib buyurtmalarni bajarishlari va pul ishlashlari mumkin. Bu orqali ular oila byudjetiga mablag‘ keltiradilar va o‘zlarining iqtisodiy mustaqilligini ta’minlaydilar”, - dedi u.

2015 yilda Toshkent shahridagi Inha universiteti 9 yoshdan 15 yoshgacha bo‘lgan bolalar uchun “Codecraft” loyihasini ishga tushirdi. Loyihaning maqsadi – bolajonlarning barcha salohiyatlarini ro‘yobga chiqarib, kompyuterda ijodiy ishlarni bajarishga o‘rgatishdir.

Hozirda loyiha doirasidagi dasturlash kurslari “Scratch” tilida o‘tilib, “MIT App Inventor” platformasidagi “Android” mobil ilovalari asosida veb-saytlarni yaratish o‘rgatiladi. “Zamin” yangiliklarini “Twitter”da kuzatib boring