18:34 / 11.07.2017
9 657

Muftiy Usmonxon Alimov Ozarbayjon Prezidenti bilan uchrashdi

Muftiy Usmonxon Alimov Ozarbayjon Prezidenti bilan uchrashdi
Kecha, 10 iyul kuni Din ishlari bo‘yicha qo‘mita raisi Ortiqbek Yusupov hamda O‘zbekiston musulmonlari idorasi raisi, muftiy Usmonxon Alimov hazratlari Kavkaz musulmonlari idorasi raisi, Shayx ul-Islom Ollohshukur Poshshozodaning taklifiga binoan, Ozarbayjon Respublikasining Boku shahriga jo‘nab ketgandi.

Bugun, 11 iyul seshanba kuni Ozarbayjon Respublikasi Prezidenti Ilhom Aliev din ishlari bo‘yicha qo‘mitasi raisi Ortiqbek Yusupov va O‘zbekiston musulmonlari idorasi raisi muftiy Usmonxon Alimovni o‘z qarorgohida qabul qildi.

Ma’lum bo‘lishicha, O‘zbekiston delegasiyasi tashrif davomida ikki diniy idora o‘rtasidagi mavjud aloqalarni yanada rivojlantirish va hamkorlik sohalarini kengaytirishni rejalashtirilgan.

Shuningdek, safar davomida O‘zbekistondan borgan delegasiya Ozarbayjonning bir qator davlat tashkilotlarida ham bo‘lib, u erda uchrashuvlar o‘tkazishni belgilagan.

Ma’lumot uchun, O‘zbekiston delegasiyasining Ozarbayjonga tashrifi 13 iyul kuniga qadar davom etadi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Muftiy Usmonxon Alimov Ozarbayjon Prezidenti bilan uchrashdi