21:45 / 15.08.2017
6 877

Qarshidagi portlash yuzasidan rasmiy ma’lumot e’lon qilindi (Foto)

Qarshidagi portlash yuzasidan rasmiy ma’lumot e’lon qilindi (Foto)
Avvalroq, 2017 yil 14 avgustdan 15 avgustga o‘tar kechasi, taxminan kechki soat 01:00 da Qarshi shahridagi avtomobillarga gaz qo‘yish shahobchasida portlash sodir bo‘lgani haqida xabar bergan edik.

Ichki ishlar vazirligi Yong‘in xavfsizligi boshqarmasining ma’lumotiga ko‘ra, Qarshi-Beshkent yo‘lida “O‘ztransgaz” AKga qarashli avtoturargohdagi gaz tashish avtomobilida yuzaga kelgan texnik nosozlik tufayli mashina portlab ketgan.

Qashqadaryo viloyati Qarshi shahar Qarshi-Bishkent yo‘lining 5-kilometrida yong‘in sodir bo‘lganligi haqida viloyat yong‘in xavfsizligi xizmatiga xabar kelib tushgan. Yong‘in o‘chirish ekipajlari tomonidan yong‘in bartaraf etilgan.

Yong‘in “O‘zbekneftgaz” milliy xolding kompaniyasi “O‘ztransgaz” AK “Janubgaz ta’minot” UKga qarashli avtoturargohda suyultirilgan (propan) gaz tashishga mo‘ljallangan “MAN” rusumli avtomobildan “Zil-441510” rusumli avtomobilga gazni o‘tkazayotgan vaqtida gaz va havo aralashmasining chaqnashi oqibatida sodir bo‘lgan.

“Zil-441510” rusumli avtomobil haydovchisi kuyish tan jarohati olib shifoxonaga joylashtirildi.


Manba: Qalampir.uz

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Qarshidagi portlash yuzasidan rasmiy ma’lumot e’lon qilindi (Foto)