15:15 / 21.08.2017
6 525

19 avgust kuni Toshkentda 6 ta YTH sodir bo‘ldi

19 avgust kuni Toshkentda 6 ta YTH sodir bo‘ldi
Toshkent shahar Ichki Ishlar Bosh Boshqarmasi shu yil 19 avgustda ro‘y bergan yo‘l-transport hodisalari yuzasidan axborot berdi.

Unga ko‘ra, shu kuni Toshkent shahrida jami 6 ta avtohalokat ro‘y bergan. Buning oqibatda 7 kishi yaralangan, 1 kishi halok bo‘lgan.

19 avgust, shanba kuni Toshkent shahar yo‘l patrul xizmati inspektorlari tomonidan 2,886 ta huquqbuzarlik bo‘yicha ma’muriy bayonnoma tuzilgan. Ularning 769 tasi qo‘pol turdagi huquqbuzarliklar bo‘lib, shundan 22 holatda haydovchilarning mast holda transport vositasini boshqargani qayd etilgan.

Shuningdek, 19 avgust sanasida Toshkent shahar IIBB Yo‘l harakati xavfsizligi boshqarmasining kompyuterlashtirilgan boshqaruv tizimi tomonidan 575 ta qoidabuzarlik aniqlangan. Ularning 283 tasini svetaforning taqiqlovchi chirog‘iga bo‘ysunmaslik, 292 tasida esa belgilangan me’yordan yuqori tezlikda harakatlanish tashkil etadi.

Manba: Qalampir.uz

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » 19 avgust kuni Toshkentda 6 ta YTH sodir bo‘ldi