Moskvadagi festivalda “Yura davri” bog‘i g‘oliblikni qo‘lga kiritdi

Mutaxassislarning ta’kidlashicha, 180 mln. yil muqaddam Moskva hududi iliq sayoz dengiz mavjud bo‘lib, uning atrofi qalin o‘rmon bilan qoplangan. O‘shandan beri mamlakatda noyob o‘simliklar parvarishlab kelinadi.

Shu bois poytaxtda landshaft dizayni festivalini o‘tkazish an’anaga aylanib boryapti. Joriy yili 4-bor tashkil etilgan tanlovda “Yura davri” bog‘i g‘oliblikni qo‘lga kiritgan bo‘lsa, ikkinchi o‘ringa “Energiya” nomli maskan munosib deb topildi.

Dizaynerlar har bir o‘simlik tabiati va shaklidan kelib chiqqan holda uni hay’at a’zolari e’tiboriga o‘ziga xos tarzda taqdim etishdi. Bir hafta davomida 30 ta jamoa tomonidan rang-barang kompozitsiyalar yaratildi. Yuzlab loyihalar orasidan sovrindorlarni aniqlash oson kechmagani aytilyapti.

Manba: uzbekistan24.uz “Zamin” yangiliklarini “Youtube”da kuzatib boring