Mushtipar, yolg‘iz ona hayotidan nolimaydi. Faqirlikda yashashsa ham, sog‘-salomat yurgani uchun Yaratganga beadad shukr aytadi. Ko‘zining nuri, hayotining quvonchi, ishongan tog‘i – o‘g‘li omon bo‘lsa, bas.
Ona-bola ekvatorga yaqin o‘lkalarning birida yashashadi. Yil bo‘yi qurg‘oqchilik. Faqat yomg‘ir mavsumidagina suv serob bo‘ladi. Onaga marhum eridan birgina uy meros qolgan, xolos. Uning ham tomi yo‘q, o‘zi eski, ta’mirtalab.
Farzandi tug‘ilganidan buyon to‘rt yil qurg‘oqchilik bo‘lib nomigagina yomg‘ir yoqqan edi. Ertalabdan onaning ko‘ngli g‘ash, chehrasi ma’yus tortdi: osmonni bulut qoplagandi. Shamol to‘xtab, yomg‘ir sharros quydi. Momaqaldiroq ovozidan cho‘chib uyg‘ongan jajji bolakay onasining pinjiga kirib, mehr bilan mahkam quchoqladi.
Ona boshdan-oyoq ividi. U o‘zidan emas, ko‘proq bolasining shamollab qolishidan xavotirda edi. Muhtoj bo‘lishsa ham, ona o‘g‘liga go‘zal tarbiya bergan, boriga qanoat qilib hayot kechirishga o‘rgatgandi. Vaziyatdan chiqish uchun atrofiga sinchiklab qaradi. Yog‘och eshikni joyidan ko‘chirdi-da, devorga qiya qilib tiradi va o‘g‘li bilan eshik ostiga berkindi. Shunda bolakayning ko‘zlari porladi, go‘zal odobini namoyon qildi, samimiyat bilan: “Oyijon, yaxshiyam eshigimiz bor. Eshigi yo‘q odamlar yomg‘ir yoqqanda nima qilishar ekan-a?” dedi. Ona o‘g‘liga jilmayib qaradi: “Alloh mehribon, bolam”.
Ikkovlari yomg‘irga termulgancha Allohning marhamatidan quvonishdi.
Maqsudali Qosimov,
Xo‘jaobod tumani
“Yettichinor” jome masjidi imom-xatibi
Xo‘jaobod tumani
“Yettichinor” jome masjidi imom-xatibi
Manba: irfon.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Ortiqcha vaznli insonlar uchun sog‘lom ovqatlanishning beshta muhim qoidasi