Prezident Aqto‘bedagi fojia qurbonlarining oilalariga kompensatsiya ajratishga topshiriq berdi

O‘zbekiston Respublikasi Prezidenti Shavkat Mirziyoyevning topshirig‘iga ko‘ra, Qozog‘iston Respublikasining Aqto‘be viloyati Irg‘iz tumanida «Samara-Chimkent» avtomobil yo‘lida avtobus yonishi oqibatida halok bo‘lgan 52 nafar O‘zbekiston Respublikasi fuqarosi oilalarining barchasiga bir martalik nafaqa ajratildi. Bu haqda prezident matbuot xizmati xabar berdi.

Ma’lum qilinishicha, mahalliy ijro hokimiyati organlari, Sog‘liqni saqlash vazirligi vakillari hamda mahalla faollari tomonidan halok bo‘lganlarning oilalariga ma’naviy va moddiy yordam ko‘rsatish bo‘yicha zarur choralar ko‘rilmoqda.

Kompensatsiya miqdori ma’lum qilinmagan. “Zamin” yangiliklarini “Youtube”da kuzatib boring