Chorbog‘dagi “Piramida”da skuterdan suvga tushib ketgan fuqaro qaytib chiqmadi

Toshkent viloyati Bo‘stonliq tumanidagi Sijjak qishlog‘i, Chorbog‘ qo‘rg‘onida joylashgan Piramidada “Yamaxa” skuteridan suvga tushib ketgan fuqaro suvdan qaytib chiqmadi, deb xabar qildi Sof.uz nashri.

Toshkent viloyati IIB Tergov boshqarmasining xabar berishicha, 2018 yil 2 iyun kuni soat taxminan 15:50da, Bo‘stonliq tumanida yashovchi, 1997 yilda tug‘ilgan, M.Turdibayev boshqaruvidagi “Yamaxa” rusumli skuterini Bo‘stonliq tumani, Sijjak qishlog‘i, Shaybon ko‘chasini pastki tomonidan oqib o‘tuvchi suv sohilidan Chorbog‘ qo‘rg‘onida joylashgan “Piramida” dam olish oromgohi tomonga boshqarib ketayotgan vaqtda, boshqaruvni eplay olmay suvga yiqilib ketishi oqibatida suvdan qaytib chiqmagan.

Hozirda M.Turdibayevni qidirib topish choralari ko‘rilmoqda. Tergovga qadar tekshiruvni esa tuman IIB olib bormoqda. “Zamin”ni Telegramʻda oʻqing!