Shveysariyaning “Mangeat Attorneys at Law” advokatlik idorasi egasi va rahbari Greguar Manja va uning hamkasblari Fanni Margayras va Elis Parmentye Gulnora Karimova bilan uchrashish uchun Toshkentga keldi. Bu haqda “Anhor.uz”ga tayanib, “Daryo” nashri xabar berdi.
Karimova 2015 yilning avgustida jinoyat ishlari bo‘yicha Toshkent viloyati sudi tomonidan bir qator jinoyatlarda aybdor deb topilgan. Jumladan, Karimova jinoiy guruh tuzishga aloqadorlik, o‘g‘irlik, pul undirish, davlat mablag‘larini o‘z ehtiyojlari uchun ishlatib yuborish, soliqlar to‘lashdan bosh tortish singari jinoyatlarda ayblangan va 5 yil muddatga ozodlikdan mahrum qilingan.
Rasmiy bayonotda xabar qilinishicha, Karimovaga nisbatan yana bir jinoiy ish qo‘zg‘atilgan. Unga ko‘ra, Gulnora Karimova bojxona qonunchiligi, savdo-sotiq qoidalarini buzish, chet el valyutasini yashirincha saqlash, jinoiy yo‘l bilan topilgan daromadlarni qonuniylashtirish va hujjatlarni soxtalashtirishda ayblanmoqda. Mazkur ish bo‘yicha tergov hali yakunlanmagan.
Advokat Manja O‘zbekiston prezidenti bilan uchrashish niyati borligini bildirgan. Uning fikricha, Prezident Gulnora Karimovaning qamoqxonada saqlanish sharoitlarini o‘zgartira oladigan yagona shaxsdir. Manja hukumatga Prezident bilan uchrashishni so‘rab 2 marta murojaat qilganini aytgan.
Greguar Manja mijozi Gulnora Karimova bilan ikki marta — 2016 yil dekabri va 2018 yili aprelida uchrashgan.
Manja Karimovani noaniqlik qiynayotganini aytgan. Advokatning so‘zlariga qaraganda, apreldagi uchrashuvi davomida Karimovaning kayfiyati o‘zgaruvchan bo‘lib qolgani, shuningdek, uning toliqqani sezilgan. Gulnora Karimova qabul qilgan dorilari ta’sirida suhbat davomida diqqatini jamlay olmagan. “Biroq u jasoratga to‘la va o‘ziga qarshi qo‘yilayotgan ayblarni inkor qilmoqda”, — deydi shveysariyalik advokat.
Manjaning so‘zlariga qaraganda, ayni paytda Karimova Toshkentdan 3 soatlik yo‘l uzoqligida joylashgan qamoqxonada saqlanmoqda. Advokatning fikricha, Gulnora Karimovaning qamoqxonada saqlanishi va unga nisbatan qo‘zg‘atilgan ishga bo‘lgan yondashuv Shavkat Mirziyoyev prezident bo‘lganidan keyin ijobiy tomonga o‘zgargan. Shunga qaramasdan, advokatning aytishicha, mijozining vaziyati “juda yomon”ligicha qolmoqda.
Huquqshunosning aytishicha, Shveysariyada 2012 yili Gulnora Karimova va yana 6 nafar o‘zbekistonlikka nisbatan qo‘zg‘atilgan jinoiy ish juda murakkabdir. Uning fikricha, Karimovaning manfaatlarini e’tiborga olmay, konstruktiv yechim topishning iloji yo‘q.
O‘zbekiston Bosh prokuraturasi ma’lumotlariga qaraganda, Greguar Manja va uning hamkasblari Gulnora Karimova bilan uchrashishlari uchun hech qanday to‘siq yo‘q. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
Bekxem Ronalduni “Inter Mayami”ga olib kelish bo‘yicha ish boshladi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi