Jinoyat ishlari bo‘yicha Qashqadaryo viloyat sudida sudlanuvchi Zokir Aliyevga nisbatan jinoyat ishini ko‘rib chiqish bo‘yicha sud jarayoni nihoyasiga yetdi va sud hukmi e’lon qilindi. Bu haqda Oliy sud rasmiy vakili Aziz Obidov Kun.uz'ga ma’lum qildi.
Ma’lum qilinishicha, sud jinoyat ishi materiallarini o‘rganib, Aliyevni O‘zbekiston Respublikasi Jinoyat kodeksining 159-moddasi 1 qismi (O‘zbekiston Respublikasining konstitutsiyaviy tuzumiga tajovuz qilish) va 244-2-moddasi 1 qismida (diniy ekstremistik, separatistik, fundamentalistik yoki boshqa taqiqlangan tashkilotlar tuzish, ularga rahbarlik qilish, ularda ishtirok etish) ko‘zda tutilgan jinoyatlarni sodir etishda aybdor deb topdi.
“Sud O‘zbekiston Respublikasi Konstitutsiyasi va jinoyat qonunchiligida o‘zining teran ifodasini topgan insonparvarlik, bag‘rikenglik va adolat tamoyillaridan kelib chiqib, sudlanuvchilarga jazo tayinladi”, deyiladi xabar matnida.
Jinoyat ishlari bo‘yicha Qashqadaryo viloyat sudi 2000 yildan keyin O‘zbekiston Respublikasiga kelgunga qadar qariyb 18 yil davomida jinoiy faoliyat bilan boshqa shug‘ullanmaganligini inobatga olib, Zokir Aliyevga O‘zbekiston Respublikasi Jinoyat kodeksining 57 (yengilroq jazo tayinlash) va 59 (bir necha jinoyat sodir etganlik uchun jazo tayinlash) moddalarini qo‘llagan holda eng kam oylik ish haqining 600 barobari miqdorida - 1,05 million so‘m (18 yil oldingi EKIH - tahr.) jarima jazosi tayinladi.
Tahririyat izohi: amaldagi qonunchilikka binoan, jarima tariqasidagi jazo tayinlanganda jarima miqdori jinoyat sodir etilgan vaqtdagi eng kam oylik ish haqi miqdoridan kelib chiqib hisoblanadi. Bu haqida O‘zbekiston Respublikasi Oliy Sudi Plenumining 2006 yil 3 fevraldagi “Sudlar tomonidan jinoyat uchun jazo tayinlash amaliyoti to‘g‘risida”gi 1-son qarori 16-bandida ham alohida qayd etilgan.
Zokir Aliyev jinoyat sodir etgan vaqtda esa eng kam ish haqi 1750 so‘m miqdorida bo‘lgan. Shunga ko‘ra, 600 baravar miqdorida belgilangan jarima jazosi 1 mln 50 ming so‘m miqdoriga to‘g‘ri keladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Turk seriallari yulduzi Demet O‘zdemirning Istanbuldagi shinam villasiga sayohat
Sof quyma oltin sotayotgan shaxslar qo‘lga tushdi
Ukraina 300 mingta dron sotib olish uchun pul ajratadi
Qozog‘istonda sobiq ichki ishlar vaziri qo‘lga olindi
Ko‘p kvartirali uylarda «kvartplata»ning eng kam miqdori tasdiqlandi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi