Farg‘onada erkak qo‘shnisi mashinasini noto‘g‘ri joyga qo‘ygani uchun tosh bilan urib o‘ldirdi…

22 iyul 2018 yil tungi 02: 00 da Farg‘ona viloyati Qo‘shtepa tumanidagi Xo‘jaqishloq mahallasida yashovchi F. S. ismli erkak uyining ro‘parasida «Kobalt» avtomobili turganini ko‘rib qoldi. Mashina qo‘shnilardan biriga tegishli edi. Qo‘shninikiga kirdi-da, he yo‘q, be yo‘q ko‘krak qafasi va bosh qismiga tosh bilan kuchli zarbalar yo‘lladi. Bu zarbalar qo‘shni erkak uchun o‘lim bilan tugadi.

Hozirgi vaqtda tuman prokuraturasi respublika jinoyat majmuasining 97 moddasi, 1 qismiga ko‘ra («qasddan odam o‘ldirish») jinoiy ish qo‘zg‘atgan. Tergov harakatlari davom ettirilmoqda.

Manba: hordiq.uz