Yoshi ulug‘larni hayotning past-balandini ko‘rgan, yaxshi-yomonni ajratadigan, katta hayotiy tajribaga ega inson sifatida hurmat qilamiz va ularning pandu nasihatlari ko‘p hollarda yoshlarga asqotadi. Biroq, har jihatdan atrofdagilarga o‘rnak bo‘lishi kerak bo‘lgan shunday kishilar qilayotgan ishi xato ekanini bila turib, jinoyatga qo‘l ursa, buni qanday tushunish mumkin?!
Shundaylardan biri 1955 yili Qashqadaryo viloyati Qamashi tumanida tug‘ilgan Jabborov Mahmaraim Salomovich bo‘ladi.
U mahalliy fuqaroga o‘zini Mudofaa Vazirligining maxsus operatsiyalar bo‘limidan polkovnik Jabborov Maxmaraim Salomovich, deb tanishtirib, uni kelgusida Davlat xavfsizlik xizmati idoralariga ishga joylashtirib qo‘yishni va’da qiladi va evaziga 8 ming AQSh dollari so‘raydi. U Qamashi tumani Iftixor ko‘chasida joylashgan “Hunarmand” oshxonasida yuqorida qayd etilgan 8 ming AQSh dollaridan 4 mingini olayotgan vaqtda Davlat xavfsizlik xizmati Qashqadaryo viloyati boshqarmasi xodimlari tomonidan qo‘lga olindi.
Tezkor tadbir davomida uning yonidan O‘zbekiston Respublikasi Mudofaa vazirligining maxsus operatsiyalar bo‘limi, polkovnik Jabborov Mahmaraim Salomovich nomiga soxta ma’lumotlar bilan yozilgan qalbaki xizmat guvohnomasi topildi.
Bundan tashqari, o‘zini DXX xodimi deya tanishtirib, odamlar ishonchiga kirgan va hokimiyat idoralari bilan bog‘liq muammolarini hal qilib berish evaziga tovlamachilik qilib, ularning pulini olish bilan shug‘ullangan Xiva shahrida yashovchi 39 yoshli Dilshod Ro‘zmetovning ham noqonuniy xatti-harakatlariga chek qo‘yildi.
Aniqlanishicha Dilshod Ro‘zmetov bir necha fuqaroga yer uchastkalari ajratib berilishida yordamlashishni va’da qilib, ulardan jami 100 ming dollardan ortiq miqdorda pul olgan.
Xozirda Mahmaraim Jabborov hamda Dilshod Ro‘zmetovga nisbatan Jinoyat Kodeksining 168 va 211-moddalariga asosan jinoyat ishlari qo‘zg‘atilib, tergov harakatlari olib borilmoqda.
VIDEO “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Mariya Zaxarova ukrainaliklarni Amerika hindulariga o‘xshatdi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
