Chiroqchida tugʻilgan Shavkat, Miromon va Mirziyolarning otasiga Spark berildi (foto)

Qashqadaryo viloyatining Chiroqchi tumanida tugʻilgan Shavkat, Mirziyo va Miromonlarning otasi Sherzod Doʻstmurodovga Prezident sovgʻasi — Spark mashinasi sovgʻa qilindi. Bu haqda “Daryo” viloyat hokimi oʻrinbosari Maqsuda Mustafoyevaga tayanib maʼlum qilmoqda.

Maqsuda Mustafoyevaga koʻra, Prezident sovgʻasini bugun, 4 mart kuni viloyat hokimligi vakillari va tuman hokimi Rustam Joʻraqobilovlar tantanali ravishda topshirgan.

^{Foto: Qashqadaryo viloyati hokimligi}
“Toʻgʻrisi bu men uchun qoʻshaloq bayram boʻldi, — deydi egizaklarning otasi Sherzod Doʻstmurodov. – Bugun xonadonimizda toʻy. Bizdek yosh oilalarni qoʻllab-quvvatlayotgani uchun Prezidentimizga oʻz minnatdorchiligimni bildiraman. Viloyat hokimimiz Zafar Roʻziyevga ham rahmat. Nasib etsa farzandlarim el koriga yaraydigan insonlar boʻlib yetishadi”.

^{Foto: Qashqadaryo viloyati hokimligi}
Chiroqchi tumanidagi tarix fani oʻqituvchisi Sherzod Doʻstumrodov xonadonida 3 egizak joriy yil 21 yanvar kuni dunyoga kelgan edi.

^{Foto: Qashqadaryo viloyati hokimligi} “Zamin”ni Telegramʻda oʻqing!