Abdulla Avloniy nomidagi xalq taʼlimi rahbar xodimlarini qayta tayyorlash va malakasini oshirish institutida Xalq taʼlimi vazirligi rahbariyati hamda faxriylar bilan davra suhbati boʻlib oʻtdi, deb xabar bermoqda “Xalq soʻzi”.
Qayd etilishicha, tadbirda xalq taʼlimi tizimida olib borilayotgan islohotlar, takliflar muhokama qilingan, akademik va fan doktorlari tomonidan maʼruzalar oʻqilgan.
— Prezidentimiz Shavkat Mirziyoyev boshchiligida xalq taʼlimi tizimida katta islohotlar amalga oshirilmoqda, — deya taʼkidlagan Sherzod Shermatov. — Xususan, yosh avlodning bilimli boʻlishi hamda hayotda oʻz oʻrnini topishi uchun barcha sharoit yaratilayotir. Bu yoʻlda, eng avvalo, oʻqituvchilarning jamiyatdagi mavqeini oshirishga alohida eʼtibor qaratilyapti. Pedagoglar maoshining oshirilishi maktablarga erkak oʻqituvchilarning qaytishiga turtki boʻldi. Nafaqaxoʻrlar pensiyasining toʻliq miqdorda toʻlanishi esa mahoratli oʻqituvchilar tajribasini yoshlarga oʻrgatishga koʻmaklashdi.
Yana shuni taʼkidlashni istardimki, maktablarda majburiy obunani cheklash borasidagi ishlarimizni notoʻgʻri talqin qilayotgan, meni gazeta oʻqimaydigan, matbuotning dushmaniga aylantirib qoʻygan turli xabarlarni eshityapman. Shaxsan mening ish stolimda har kuni gazetalar turadi. Ertalab ishimni “Xalq soʻzi”, “Narodnoye slovo”, “Pravda Vostoka” va boshqa gazetalarni oʻqishdan boshlayman. Bu targʻibotni boshqacha talqin qilish notoʻgʻri, deb oʻylayman.
Tadbirda xalqaro taʼlim tizimlari va tadqiqotlari bosqichma-bosqich joriy etilishi hamda iqtidorli bolalarni tarbiyalash uchun Prezident maktablari tashkil etilishi haqida maʼlumot berildi. Shuningdek, 2019 yil davomida “Oʻqituvchilar maqomi toʻgʻrisida” Qonun qabul qilinishi kutilayotgani aytib oʻtildi. Mazkur hujjat oʻqituvchilarning huquq va majburiyatlarini belgilab berishi bilan birga, ularning ijtimoiy himoyasiga oid masalalarni ham tartibga soladi.
Davra suhbatida darsliklarning maʼno-mazmuni borasida ham soʻz bordi. Shuningdek, har bir maktabda alohida forma joriy etilishi singari takliflar, fikr-mulohazalar ham bildirilib, muhokama qilindi, deyiladi xabarda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Messi “dahshatli” ko‘rsatkich qayd etdi (video)
La Liga. “Real Madrid” muddatidan oldin Ispaniya chempionligini qo‘lga kiritdi (video)
Sergey Shoygu: “Ukraina Rossiya bilan urushda 111 mingdan ortiq askarini yo‘qotdi”
Fyodor Yemelyanenko: “Men Mayk Tayson bilan jang qilishni reja qilgandim”
Messi amerikaliklarni hayratga solishda davom etmoqda
Ukrainada safarbarlik to‘g‘risidagi yangi qonunning bir qismi kuchga kirdi
