2 710
Toshkent aeroporti noqonuniy taksichilardan tozalandi: 40dan ortiq avtomobil jarima maydoniga olib kirildi
Toshkent shahar IIBB poytaxt xalqaro aeroportidan chiqishda o‘z xizmatlarini taklif qilayotgan va amaldagidan qariyb uch baravar ko‘p haq so‘rayotgan noqonuniy taksichilar bilan bog‘liq vaziyatni o‘z nazoratiga olganligini bildirdi, deb yozadi Kun.uz nashri.
IIBBning bildirishicha, soliq idoralari hamda Avtomobil va daryo transporti agentligi vakillari bilan hamkorlikda aeroportning avtotransport vositalari uchun ajratilgan hududida litsenziyasiz faoliyat olib borayotgan taksi haydovchilarini aniqlash bo‘yicha tadbirlar o‘tkazilmoqda.
«Birgina 17 maydan 1 iyungacha bo‘lgan muddat ichida 50 nafar ana shunday xususiy taksi haydovchisi aniqlandi. Ularning 24 nafari Ma’muriy javobgarlik to‘g‘risidagi kodeksning 194-moddasi asosida javobgarlikka tortildi, qolgan 26 nafar taksichi bilan tushuntirish ishlari olib borildi, 42 ta avtomobil jarima maydoniga joylashtirildi», - deyiladi IIBB matbuot xizmati xabarida.
Ammo poytaxt IIBBga kelib tushayotgan ma’lumotlarga qaraganda, noqonuniy taksichilar huquq-tartibot idoralarini aldashning turli yo‘llarini o‘ylab topmoqda. Masalan, taksichilik qilmasligini, balki do‘sti yo qarindoshini kutayotganini aytishi mumkin. Yoki aeroportdan chiqishga o‘ziga qarashli odamni yuborib, o‘zlari bir chetda mashinasida kutib turishi mumkin.
IIBB yo‘lovchilardan poytaxt xalqaro aeroportiga uchib kelganda o‘z xizmatlarini majburan taklif qilayotgan taksichilar haqida xabar berish, iloji bo‘lsa, ularni suratga tushirishni so‘ragan.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Migrantlarni Rossiyadan chiqarib yuborishning yangi tartibi taklif etildi
Moskva aeroportlarida 1000 ga yaqin tojikistonlik qolib ketdi
Sensatsiya! Afg‘oniston futzal bo‘yicha jahon chempionatiga chiqdi!
Saidjamshid Ja’farov qozog‘istonlik raqibini mag‘lub etib, IBA Asia kamarini qo‘lga kiritdi
Vadim Abramov: "Vazifamiz keyingi bosqichga chiqish edi, afsuski, buni uddalay olmadik"
Umarali Rahmonaliyev: "Yarim finalga hech qachon kuchsiz jamoalar yo‘l olmaydi"
Indoneziya U-23 bosh murabbiyi: "O‘zbekistonning nega ko‘p gol urib, darvozasidan to‘p o‘tkazmasligini bilib oldim"
Andijonda kelin erining uyidan seplarini MIB orqali qaytarib oldi