Toshkentdagi “Bekto‘pi” bozori omborlarida kuchli yong‘in chiqdi (video)

Bugun, 27 iyun kuni soat taxminan 16.00 da Toshkentdagi sobiq “Abu Saxiy” bozori yonidagi qurilish materiallari savdosiga ixtisoslashgan “Bekto‘pi” bozorining do‘konlarga tutashgan omborlarida kuchli yong‘in chiqdi.

Ijtimoiy tarmoqlarda videosi va suratlari tarqalayotgan yong‘in sabablari hozircha ma’lum emas, shuningdek jabrlanganlar haqida ham rasmiy axborot hali berilmagan. O‘t o‘chiruvchilar voqea joyiga yetib borganlar va yong‘inni lokalizatsiya qilishga kirishganlar.

Xabar to‘ldirilmoqda, faktlar aniqlashtirilmoqda.