IIV qoidabuzarliklar aks etgan videolar uchun pul to‘lay boshladi

O‘zbekiston IIV qoidabuzarliklar aks etgan videolar uchun EKIHning 5% miqdorida pul mukofoti to‘lay boshladi. Bu haqda IIV matbuot xizmati xabar berdi.

Bu haqida O‘zbekiston hukumati tomonidan qabul qilingan qonun 2019 yilning 1 iyulidan kuchga kirdi.

“Yangi tartib ishga tushdi, qoidabuzarliklar aks etgan videolavhalarni yig‘ish boshlandi. Ularni O‘zbekiston Respublikasida yashayotgan har bir kishi yuborishi mumkin”, - deyiladi xabarda.

Pul mukofotining qiymati eng kam ish haqining 5% miqdorida belgilangan. Bugungi kunda bu har bir qoidabuzarlik uchun 10136 so‘mni tashkil qiladi. Ushbu mukofot qoidabuzarlardan undirilayotgan jarimalar hisobidan qoplanadi. IIVga qoidabuzarliklar haqida xabar bergan kishilar haqidagi ma’lumot maxfiy saqlanadi. “Zamin”ni Telegramʻda oʻqing!