Svetofor ishorasi farqiga bormagan haydovchi inspektorni shokka tushirdi (video)

Bugun ijtimoiy tarmoqlarda antiqa dialogli videolavha tarqaldi. Unda yo‘l inspektorining haydovchi bilan suhbati yozilgan.

Haydovchi: «Haydab o‘tyapman... svetaforda to‘xtayapman, ko‘k yonib turipti... Ko‘kka kelib to‘xtashim kerakmi, menam?»
Inspektor: «Svetaforning, birinchidan, ko‘k rangi bo‘lmaydi, hurmatli haydovchi.»

Haydovchi: «Yashil, yashil yonib turibti... Tepada... yashil...»
Inspektor: «Ha, yashil. Yashilda nima qilish kerak, to‘xtash kerakmi?.. Siz, menga qarang, hurmatli haydovchi, svetaforning qaysi ishorasida nima qilish kerakligini bilasizmi?..»

Haydovchi: «Qizilga kelgunimcha yashil yonib qolyapti...»
Inspektor: «Yashilda to‘xtadingizmi keyin?»

Haydovchi: «... Qizil yonib qoldiku.»
Inspektor: «Bu nima degangiz, siz menga hozir ikki-uch xil gap gapiryapsiz. Yashilda nima qilish kerak haydovchi?»

Haydovchi: «To‘xtash kerak.»
Inspektor: «Yashilda to‘xtash kerak-a? Qizilda yurish kerak?»

Haydovchi: «...»
Inspektor: «Hurmatli haydovchi, bo‘ldi, tushunarli. Siz oldin svetaforning qaysi ishorasida harakatlanish kerakligini o‘rganib oling...»

Ushbu voqea qachon va qaysi viloyatda sodir bo‘lgani ma’lum emas.