O‘zbekiston Respublikasi prezidenti Shavkat Mirziyoyevning farmonlariga muvofiq, mustaqillikning 28 yilligi arafasida bir guruh fuqarolar va mamlakat bilan samarali hamkorlik qilib kelayotgan xorijliklar faxriy unvonlar, orden va medallar bilan taqdirlangan edi.
Prezident matbuot xizmati xabariga ko‘ra, 31 avgust kuni Ko‘ksaroyda ana shu yuksak mukofotlarni topshirish marosimi bo‘ldi.
Prezident yig‘ilganlarni, ularning timsolida joylarda davlat mukofotlarini qabul qilib olayotgan barcha fuqarolarni muborakbod etdi.
Keyingi yillarda O‘zbekistonda katta o‘zgarishlar, islohotlar amalga oshirilayotgani va ularning dastlabki natijalari ko‘zga tashlanayotgani ta’kidlandi.
– Xalq bilan muloqot hech qachon bunday bo‘lmagan. Odamlarni eshitsak, rejamiz to‘g‘ri bo‘ladi. Hamma hududlar va sohalardagi o‘zgarishlar – xalqimiz bilan birgalikda qilayotgan ishlarimiz samarasi, – dedi prezident.
O‘zbekistonning xalqchil, insonparvar siyosatini dunyo hamjamiyati e’tirof etmoqda. Tashqi siyosat ham, ichki siyosat ham keng ko‘lamli muloqot va munosabatlar asosida, uyg‘un holda olib borilmoqda.
– Biz uchun bitta-yu bitta to‘g‘ri yo‘l, yagona maqsad millatimiz, xalqimiz, jonajon O‘zbekistonimiz manfaatini yuqori tutishdir. Buning uchun doimo yetti marta o‘lchab, bir marta kesadigan siyosat olib borishimiz kerak. Oldimizda murakkab vazifalar turibdi. Xalqimizga, sizlar kabi mard va shijoatli yurtdoshlarimizga ishonib, marrani katta oldik, – deya ta’kidladi davlatimiz rahbari.
Shavkat Mirziyoyev marosimga yig‘ilganlarni nomma-nom tilga olib, davlat mukofotlari bilan tabrikladi. Ularni Vatanimizning asl farzandlari, vijdoni pok, qalbi uyg‘oq odamlar deb atadi. Samarali faoliyati, halol va fidoyi mehnati, yoshlarga ibrat bo‘layotgani uchun ularga minnatdorlik bildirib, ezgu tilaklarini izhor etdi.
Prezident taqdirlangan yurtdoshlarimiz va xorijlik diplomatlarga mukofotlarni tantanali ravishda topshirdi.
– Mana shunday mukofot olish va unga munosib bo‘lish hammaga ham nasib etmaydi. Bugun sizlardagi quvonch, ko‘tarinki kayfiyatdan men o‘zim uchun ham katta kuch, katta quvvat oldim. Barchangizni Mustaqillik kuni bilan yana bir bor chin qalbdan tabriklayman, – dedi prezident.
Qayd etilishicha, mukofotlanganlar yuksak e’tibor uchun davlat rahbariga minnatdorlik bildirdi.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi