Foto: AQSh elchixonasi
O‘zbekiston va AQSh o‘rtasida ta’lim tizimidagi hamkorlik doirasida amerikalik besh nafar mutaxassis yurtimizga keldi. Ular Xalq ta’limi vazirligidagi hamkasblari bilan hamkorlikda boshlang‘ich sinf o‘quvchilarining matematika va o‘qish bo‘yicha ko‘nikmalarini baholash metodikasini ishlab chiqadi.
AQSh elchixonasi matbuot xizmati xabariga ko‘ra, ikki mamlakat mutaxassislari hamkorlikda matematika va o‘qish bo‘yicha sakkiz tilda (o‘zbek, rus, qoraqalpoq, qozoq, tojik, qirg‘iz, turkman va ingliz) savolnomalar tuzadi. Ular asosida mamlakatimiz bo‘ylab o‘quvchilar umumiy bilimlarni qay darajada o‘zlashtirayotgani tadqiq etiladi. Shu tariqa o‘quv jarayonidagi kamchiliklar va zaif nuqtalar aniqlanib, ta’lim strategiyasi takomillashtiriladi.
«Bu O‘zbekistonda olib borilayotgan birinchi xalqaro tadqiqot bo‘lib, u boshlang‘ich sinflarda o‘qish natijalarini aniq baholashga imkon beradi. Bu esa vazirlikka ta’lim tizimini takomillashtirish yo‘lida yangi metodologiya ishlab chiqishda ko‘maklashadi», – deydi Xalq ta’limi vaziri Sherzod Shermatov.
Xorijlik mutaxassislar vazirlik va uning viloyat boshqarmalaridagi qirq nafar xodimi uchun sakkiz kunlik seminar o‘tkazmoqda. Amaliy mashg‘ulotlarda o‘quvchilarning bilim va ko‘nikmalarini baholash asosi sifatida EGRA (o‘qish) va EGMA (matematika) metodikasidan foydalaniladi. Ushbu baholash tizimi dunyoning 70 dan ortiq mamlakatida sinovdan o‘tgan.
Baholash va tadqiqot jarayoniga «RTI International» tashkiloti ham jalb etilgan. Mazkur tashkilot Xalq ta’limi vazirligi bilan birgalikda EGRA va EGMA tizimlarini sinovdan o‘tkazadi. Mamlakat miqyosidagi tadqiqotlar 2020 yilda tashkil etilishi ko‘zda tutilgan.
Yurtimiz ta’lim tizimiga xalqaro baholash usullari AQShning Xalqaro taraqqiyot agentligi (USAID) ko‘magida joriy etilmoqda.
Avval xabar berganimizdek, joriy yil 28 sentyabr kuni O‘zbekiston va AQSh o‘rtasida ta’lim taraqqiyotiga ko‘maklashish bo‘yicha muhim kelishuv imzolangandi.
Mazkur hujjatga ko‘ra, Qo‘shma Shtatlar hukumati kelgusi besh yil davomida mamlakatimiz ta’lim tizimini qo‘llab-quvvatlash uchun 50 million dollar mablag‘ ajratadi.
Ta’lim sohasidagi islohotlarni qo‘llab-quvvatlash maqsadida ajratilayotgan mablag‘ boshlang‘ich sinflarda o‘qish va matematika saboqlarini yanada takomillashtirish, axborot texnologiyalaridan keng foydalanish hamda ingliz tilini o‘qitish samaradorligi va sifatini oshirishga yo‘naltiriladi.
Xalqaro baholash tizimini joriy etish loyihasi ana shu besh yillik kelishuvning dastlabki bosqichi sanaladi.
S.Salim
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Ronaldu "Al Nassr"ni Qirol kubogi finaliga olib chiqdi
Jarimalardan 100 mln so‘m qarzi bor avtomobil Qamchiq dovonida ushlandi
Shavkat Mirziyoyev ikki yirik tuzilma rahbarlari bilan muloqot o‘tkazdi
Toshkent viloyatida muqaddam 8 marotaba sudlangan “soxta operator” qayta jinoyatga qo‘l urdi
"Liverpul" futbolchisi jamoadoshining xotini bilan “don olishib yurgani" ma’lum bo‘ldi
Ukrainada OIV va saraton kasalligiga chalingan bemorlar armiyaga chaqiriladi
Kolumbiya Isroil bilan diplomatik aloqalarni uzdi