Foto: Toshkent shahar IIBB matbuot xizmati
Yunusobod tumanida talonchilik sodir etganlikda gumonlanuvchi shaxslar qo‘lga olindi. Bu haqda Toshkent shahar IIBB matbuot xizmati xabar berdi.
Toshkent shahar IIBBning ma’lumotlariga ko‘ra, 28 sentyabr kuni taxminan soat 19:30 da noma’lum shaxslar Yunusobod tumani Bog‘ishamol ko‘chasida 45 yoshli Pokiston fuqarosi A.M.ning qo‘lidan sumkasini yulib olib, voqea joyidan yashiringan. Sumka ichida shaxsiy hujjatlar, Samsung S6 Edge rusumli telefon va 800 ming so‘m pul bo‘lgan.
Ushbu holat yuzasidan O‘zbekiston Jinoyat kodeksining 166-moddasi (talonchilik) bo‘yicha jinoiy ish qo‘zg‘atilgan.
Videokameralarga tushib qolgan ma’lumotlarni o‘rganish davomida aniq bo‘lishicha, yuqoridagi jinoyatni sodir etgan uch nafar noma’lum shaxs xorijlik fuqaroni ketidan kuzatgan.
Olib borilgan tezkor tadbirlar natijasida gumonlanuvchilarning shaxslari aniqlangan. Jinoyatni tashkillashtirgan shaxs — 20 yoshli Sh.I. bo‘lib, u bir oz vaqt ilgari jabrlanuvchiga tarjimonlik xizmatini ko‘rsatgan ekan.
Qo‘lga olingan shaxsning gaplariga qaraganda, jabrlanuvchi undan 400 ming so‘m qarz olib, pullarni tez orada qaytarishni va’da qilgan. Ammo qarzini ham, tarjima xizmatlari uchun 200 AQSh dollarini ham bermagan. Shu sababli ShI. undan qasos olish maqsadida talonchilikni rejalashtirgan.
28 sentyabr kuni taxminan soat 18:30 da Sh.I. tanishlari 22 yoshli Sh.M. va 22 yoshli J.Yu. bilan rejani amalga oshirgan.
Olib borilgan tezkor tadbirlar natijasida IIBB xodimlari gumonlanuvchilarni qo‘lga olgan. Tergov davom etmoqda.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Xorazmda Eron korxonalari uchun alohida sanoat zonasi tashkil etilyapti
Kuleba Rossiya qachon muzokaralarda ishtirok etishi mumkinligi haqida gapirdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi
Toshkent-Andijon pullik yo‘li loyihasi 4,65 mlrd dollarga baholandi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
Gollivudda ham mashhur bo‘lgan hind aktrisalari (foto)
SSKA ustozi Fedotov Abbos Fayzullayevning jamoaga qaytgani haqida nima dedi?