Qalbaki tavsiyanoma bilan Xalq bankidan 200 mln. so‘m miqdorida imtiyozli kredit olgan ayol ushlandi

Bosh prokuratura huzuridagi Departamentning Qo‘rg‘ontepa tuman bo‘limi tomonidan o‘tkazilgan tergovga qadar tekshiruvda, yakka tartibdagi tadbirkor T.X. imtiyozli kredit olish maqsadida noqonuniy ishga qo‘l o‘rdi, deb xabar qiladi bosh prokuratura matbuot xizmati.

Tadbirkor tuman xotin-qizlar ko‘mitasi tomonidan berilishi lozim bo‘lgan tavsiyanomani qalbakilashtirib, ushbu tavsiyanomani “Xalq banki”ning Qo‘rg‘ontepa filialiga taqdim etib, 200 mln. so‘m imtiyozli kredit mablag‘larini olishga erishganligi aniqlangan.

Mazkur holat yuzasidan JKning tegishli modda bilan jinoyat ishi qo‘zg‘atilib, tergov harakatlari o‘tkazilmoqda. “Zamin”ni Telegramʻda oʻqing!