Prezident Shavkat Mirziyoyev tomonida “O‘zbekistonda futbolni rivojlantirishni yangi bosqichga olib chiqish chora-tadbirlari to‘g‘risida”gi Farmonga imzo chekildi.
Unda yangi stadionlar, futbol maktablari qurish, futbolni ommalashtirish, yagona elektron chipta tizimini joriy etish va boshqa ko‘plab chora-tadbirlar qatorida xalqaro tajribadan kelib chiqib sport sohasini, ayniqsa futbolni yanada rivojlantirish, uning investitsiyaviy jozibadorligini oshirish, qo‘shimcha mablag‘larni jalb qilish maqsadida O‘zbekiston Respublikasida bukmekerlik faoliyatini amalga oshirishga ruxsat berish ko‘rsatib o‘tilgan.
Xususan, bukmekerlik faoliyatini litsenziyalash O‘zbekiston Respublikasi Kapital bozorini rivojlantirish agentligi tomonidan amalga oshirilish belgilab berildi.
“Bukmekerlik kompaniyalari ular taqdim eta oladigan imkoniyatlarni hisobga olganda, bugun butun dunyoda futbolni rivojlantirishning asosiy omillaridan biriga aylangan”, - deydi O‘FA marketing departamenti boshlig‘i Baxtiyor Mamedov.
Angliya premer-ligasi 20 ta klubdan 9 tasining homiylari bukmekerlik kontoralari hisoblanadi. Dunyoning 32 ta mamlakatida bukmekerlikka ruxsat berilgan. Ularda futbol jadal rivojlanyapti.
Ma’lumot uchun, O‘zbekistonda 2007 yil 1 sentyabrdan qimor va tavakkalga asoslangan boshqa o‘yinlar (shu jumladan, totalizator)ni tashkil etish hamda o‘tkazish taqiqlangan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi
