Havo etni junjiktirar darajada sovuq. Isinib olish uchun uyga shoshaman. Xospisdagi bolalar uchun mandarin yoki biror shirinlik olmaganim yodimga tushadi.
Mashinamni Fudsiti tomonga buraman. Mana... Apelsin, mandarin yana qandaydir mevalarning yoqimli hidi tutgan bozor. Aravalar orasidan tiqilib o‘tib abxaz mandarinlari sotiladigan joyga bordim. Tatib ko‘rdim, mazasi boshqacha. “Onam haqi qasam ichaman, Abxaziyaniki”, deydi sotuvchi. Lekin men ham, u ham mandarin u joydan kelmaganligini bilamiz. “Nega yolg‘on gapirish kerak ekan-a”, deb o‘ylayman.
Uch quti arzonroq serb mandarinlaridan oldim, aravakash yuklarimni aravaga soladi va biz chiqish tomonga yo‘l olamiz. Eshik oldida pilladek o‘rab, osib qo‘yilgan o‘zbek qovuni diqqatimni o‘ziga tortadi. Sotuvchi tarozida qovunni tortar ekan, uch quti mandaringa ko‘zim tushib: “Juda ko‘p olmadingmi, bitta o‘zinggami?”, dedi.
“Bu bemor, yetim bolalarga”, deyman. Ruschada qiynalib gapirayotgan sotuvchining yuzi jiddiylashdi, yana bir marta qayergaligini so‘radi. Indamay bir quti xurmoni ko‘tarib aravaga qo‘shdi: “Mendan bolalarga sovg‘a”.
Hissiyotlarim qorishib ketdi. "Olaymi, olmaymi?.. Qanday olaman, tekinga-ya?!"
U yana so‘raydi: “U bolalarning ota-onasi yo‘qmi?”
“Bor, ammo ularning ko‘pchiligi tuzalmas kasal bo‘lgan bolalar”.
Shunda haligi o‘zbek bir quti pomidorni ko‘tarib uniyam aravaga joyladi.
Pulim tugaganidan, to‘lolmasligimdan xijolat bo‘lib deyman:
-Ularga bu mumkin bo‘lmasa kerak...
- Mumkin, mumkin, - deydi sotuvchi o‘zbek, - bilaman mumkin. Faqat berganingda, “Alloh, Umardan rozi bo‘lgin”, desang kifoya.
... Bozordan chiqib ketyapman, orqamdan aravani itarib aravakash kelyapti. Mening esimda tomog‘imda nimadir tiqilgan, ko‘zimda yosh aylanadi...
“Alloh Umardan rozi bo‘lgin, Alloh Umarni mukofotlagin...”
Ijtimoiy tarmoqdan olindi
Manba: Azon.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Amerikalik olimlar barcha uchun birdek foydali jismoniy faollik turini aniqladi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Uchar avtomobil yo‘lovchi bilan birinchi parvozini amalga oshirdi (video)
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Mariya Zaxarova ukrainaliklarni Amerika hindulariga o‘xshatdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Ispaniya va Gretsiya Kiyevga Patriot tizimlarini yetkazib berishdan bosh tortdi