Qo‘shning ko‘r bo‘lsa, ko‘zingni qis, degan maqol bor. Buning zamirida hamsoyaga nisbatan hurmat yotadi. Ya’nikim, so‘qir qo‘shni oldida ko‘zlaring moshdek ochiq ekanini pisanda qilaverma, uning dili og‘rishi mumkin. Illo, bu – qo‘shni o‘g‘ri bo‘lsa, qilmishiga ko‘zingni yum, degani emas. Eng dahshatlisi – o‘sha qo‘shni muhofazasiga o‘zing mas’ul bo‘lgan resursni o‘marayotgan bo‘lsa-chi?
Dang‘arada nomi jimjimador tadbirkorlik sub’ekti bor: «Obod mahalla ko‘makchisi» MCHJ! Mazkur korxona mutasaddilari mahalla obodligi uchun qanday karomat ko‘rsatgani noma’lum, ammo barbodligiga «munosib hissa» qo‘shganining ehtimoli katta.
Qanday qilib? Xullas, Dang‘ara tumanidagi «Sanam» mahalla fuqarolar yig‘ini, Ko‘nchiboy qishlog‘ida faoliyat yuritayotgan mazkur tadbirkorlik sub’ekti rahbari A Yuldashevga tegishli ohak sexi bor. Mazkur sex «Dang‘ara-2» sanoat kollektoridan Buvayda tumaniga tortilgan yuqori bosimli gaz quvuriga o‘zboshimchalik bilan ulanib, gijabang ishlayvergan. Bu hol Bosh prokuratura huzuridagi Majburiy ijro byurosi Dang‘ara tumani xodimlari o‘tkazgan tezkor tadbirda ochilib qolsami?!
Holatga oydinlik kiritilganida «Obod mahalla ko‘makchisi» MCHJ va «Hududgaz Farg‘ona» MCHJ o‘rtasida tabiiy gaz yetkazib berish bo‘yicha hech qanday shartnoma tuzilmagani, gaz yetkazib berish bo‘yicha murojaat ham qilinmaganligi, ohak ishlab chiqarish bilan shug‘ullanish uchun hech qanday ruxsat beruvchi hujjatlari-da mavjud emasligi va gaz hisoblash uskunasi ham yo‘qligi aniqlandi!
Bu hali hammasi emas. Hech qanday hujjatsiz ishlatib kelingan mazkur sexning devor qo‘shnisi kim ekan deng?!
«Hududgaz Farg‘ona» MCHJ «Dang‘aratumangaz» filiali rahbari X.Rustamov!
«Raygaz» rahbari shundoq biqida tabiiy gaz ayovsiz o‘marib kelinayotganini bilmasmidi?
Bu savolga tergov jarayonida aniqlik kiritiladi, nasib... Negaki, holat yuzasidan allaqachon jinoyat ishi qo‘zg‘atilgan. Nega jinoyat ishi qo‘zg‘atilmasin, axir ohak ishlab chiqarish sexi davlatga naqd 1 mlrd. 131 mln. 133 ming so‘mlik moddiy zarar yetkazib ulgurgan ekanda?!
Ayni holatga nisbatan yuqoridagi maqolni tatbiq etib bo‘ladimi? Albatta, yo‘q. Biroq ayrim mansabdorlar o‘g‘rilikni ko‘rib, boshqa maqolga amal qilganmikan-a: ko‘zni qisgan boy bo‘ladi!
Manba: Xabar.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
