Adliya vazirligi huzuridagi Huquqiy siyosat tadqiqot instituti tomonidan Germaniya Xalqaro Hamkorlik Jamiyati (GIZ) bilan hamkorlikda 2020 yilning 13 fevral kuni “Fuqarolik qonunchiligida yuridik shaxslarning tashkiliy-huquqiy shakllari” mavzusida davra suhbati tashkil etildi.
Ma’lumki, O‘zbekiston Respublikasi Prezidentining 2019 yil 5 apreldagi F–5464-son farmoyishi ijrosini ta’minlash maqsadida O‘zbekiston Respublikasi Fuqarolik kodeksining yangi tahrirdagi loyihasi ishlab chiqilmoqda.
Tashkil etilgan davra suhbati Fuqarolik kodeksining yuridik shaxslar tashkiliy-huquqiy shakllari bilan bog‘liq masalalarni tartibga soluvchi qismlariga taklif qilinayotgan o‘zgartirishlarni muhokama qilish maqsadida o‘tkazilgan bo‘lib, unda Adliya vazirligi, Bosh prokuratura, Oliy Majlis huzuridagi Qonunchilik muammolari va parlament tadqiqotlari instituti, O‘zbekiston Respublikasi Prezidenti huzuridagi Iqtisodiy tadqiqotlar va islohotlar markazi, Toshkent davlat yuridik universiteti va boshqa tashkilotlar vakillari ishtirok etishdi.
Tadbirda Adliya vazirligi mas’ul xodimlari, TDYUU professor o‘qituvchilari, shuningdek Germaniyadan tashrif buyurgan fuqarolik huquqi sohasidagi xalqaro ekspert Xaynrix Shnitger quyidagi mavzularda ma’ruza qildilar:
- “Fuqarolik qonunchiligining yuridik shaxslar bilan bog‘liq sohasini takomillashtirishning asosiy yo‘nalishlari va taklif qilinayotgan yangiliklar”;
- “Yuridik shaxslar tashkiliy-huquqiy shakllarini optimallashtirish”;
- “Fuqarolik qonunchiligining nodavlat notijorat tashkilotlar sohasini yangilash va takomillashtirishning asosiy yo‘nalishlari”.
Tadbir davomida ma’ruzalarda ko‘tarilgan masalalar muhokama qilinib, ular yuzasidan bir qancha takliflar berildi. Xususan, ommaviy huquq yuridik shaxslari va xususiy huquq yuridik shaxslari tushunchalarini kiritish, yuridik shaxslar tashkiliy-huquqiy shakllari turlarini kamaytirish taklif qilindi.
Fuqarolik qonunchiligini takomillashtirish ishlari davom etmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
