06:00 / 26.02.2020
1 207

Bocconi va Garvard bitiruvchisi — Moliya vazirining yangi birinchi o‘rinbosari haqida nimalar ma’lum?

Bocconi va Garvard bitiruvchisi — Moliya vazirining yangi birinchi o‘rinbosari haqida nimalar ma’lum?
Bocconi va Garvard universitetlarining menejment va biznes maktablari bitiruvchisi Omonullo Nasriddinxo‘jayev Moliya vazirining birinchi o‘rinbosari etib tayinlangan. Bu haqda hukumatdagi manbalariga tayanib gazeta.uz xabar bermoqda.

U bungacha Prezidentning iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari bo‘yicha maslahatchisi o‘rinbosari bo‘lgan.

Omonullo Nasriddinxo‘jayev (1971 yilda tug‘ilgan) 1994 yilda Toshkent Davlat Universiteti (hozirgi O‘zMU)ni tamomlagan, 2002 yilda Italiyadagi SDA Bocconi universitetining menejment maktabi aspiranturasida tahsil olgan. 2016 yilda Garvard biznes maktabi AMP (Advanced Management Program) dasturida o‘qigan.

Bir necha yillar davomida Jahon bankining Markaziy Osiyo vakolatxonasida (1994-1995), xalqaro bo‘lim tahlilchisi, Shveysariyaning Credit Suisse guruhining O‘zbekistondagi vakolatxonasi rahbari o‘rinbosari (1998-2000) lavozimlarida faoliyat yuritgan. U BMT Taraqqiyot Dasturi doirasida amalga oshirilgan O‘zbekistonda boshqaruv tizimini takomillashtirish bo‘yicha bir qator loyihalarni amalga oshirgan (2004–2005).

Bundan tashqari Omonullo Nasriddinxo‘jayev Xalqaro moliya korporatsiyasi (IFC)ning Markaziy Osiyoda ipoteka kreditlash bo‘yicha moliyaviy maslahatchisi (2005-2006) va loyiha menejeri o‘rinbosari (2007) lavozimlarida ham ishlagan.

2007-2010 yillarda Janubiy Ural koniga ishlov berish kompaniyasida (USM Holdings tarkibiga kiradi) moliyaviy va iqtisodiy masalalar bo‘yicha direktor
2010-2011 yillarda u "Metalloinvest" xolding kompaniyasida (USM Holdings tarkibida) iqtisod bo‘yicha direktor
2011-2016 yillarda Baykal konchilik shirkati (USM Holdings tarkibida) strategiya va investitsiya bo‘yicha direktor
2016 yilda BKSH bosh direktorining iqtisodiyot va moliyaviy masalalar bo‘yicha o‘rinbosari lavozimlarida ishlagan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)