Ma’lumki, elektr energiyasi, tabiiy gazdan tejab-tergab foydalanish, foydalanilgan bu ne’matlar uchun vaqtida to‘lovni amalga oshirish har bir iste’molchining burchidir. Biroq, ana shu ma’suliyatni unutgan ayrim iste’molchilar elektr energiyasi, tabiiy gazdan noqonuniy foydalanib kelishayotgani hamon uchramoqda. Byuroning viloyat, shahar va tumanlar bo‘limlari tomonidan o‘tkazilayotgan kunlik tadbirlar davomida energiya resurslari va tabiiy gaz bilan bog‘liq huquqbuzarliklar fosh etilmoqda.
Masalan, Majburiy ijro byurosining Mingbuloq tuman bo‘limi xodimlari tomonidan “Qo‘riqobod” mahallasida yashovchi fuqaro G.Lining xonadonida to‘lov intizomiga amal qilishi, tarmoqlardan foydalanishi o‘rganiladi. O‘rganish davomida esa iste’molchining yuzi shuvut bo‘ldi. Gap shundaki, G.Li yashash xonadonidagi tarmog‘iga o‘zboshimchalik bilan noqonuniy ulanib, hisoblagichdan tashqari ko‘z bilan aniqlab bo‘lmadigan darajada yashirin ravishda foydalanib kelgan.
Qoidabuzar fuqaro ushbu harakati bilan ta’minotchi korxona manfaatlariga 15.768 kVt.soat, ya’ni 4.651.560 ming so‘m zarar yetkazgani ma’lum bo‘ldi. Iste’molchiga O‘zbekiston Respublikasi Ma’muriy javobgarlik to‘g‘risidagi kodeksning 101-moddasida ko‘rsatilgan huquqbuzarlik sodir etgan deb topilib, yetkazilgan zarar bilan birga eng kam ish haqining 5 barobari miqdorida jarima jazosi ham qo‘llanildi.
Yoki bo‘lmasa, Byuroning Uchqo‘rg‘on tuman bo‘limi xodimlari tomonidan “Do‘stlik” mahallasida yashovchi J.Sulaymonov xonadoni ko‘rilganda hisoblagichdan tashqari yashirin ravishda elektr energiyasidan foydalanib, 1.227.400 so‘m zarar yetkazgani ma’lum bo‘ldi. Ushbu fuqaro ham huquqbuzarligi uchun qonun oldida javob berdi.
Shu o‘rinda ta’kidlaymizki, har bir iste’molchi birinchi navbatda foydalanilgan elektr energiyasi, tabiiy gaz uchun har oyning 10 sanasiga qadar to‘lab borishlari lozim. Bundan tashqari tarmoqlardan faqatgina qonuniy yo‘llar orqali foydalanish maqsadga muvofiq. Shunda ortiqcha ovoragarchilikga, zarar hamda jarima summasini to‘lashga o‘rin qolmaydi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
