O‘zbekistonda ov qurolidan foydalanishga O‘zbekiston Respublikasi Milliy gvardiyasi tomonidan ruxsatnoma beriladi.
Qonunda, qurol, o‘q-dorilar, portlovchi moddalar yoki portlatish qurilmalariga qonunga xilof ravishda egalik qilganlik uchun jinoiy javobgarlik belgilangan.
Masalan, O‘zbekiston Respublikasi Jinoyat kodeksining 248-moddasida, tegishli ruxsatnomasiz o‘qotar qurol, shuningdek o‘q-dorilar, portlovchi moddalar yoki portlatish qurilmalari tayyorlash, olish, olib yurish, saqlash, olib o‘tish yoki jo‘natish, shuningdek, o‘tkazish jinoyati sodir etilganda, mazkur moddaning qismlariga qarab, bir oydan yigirma yilgacha ozodlikdan mahrum qilish jazosi tayinlanishi nazarda tutilgan.
Shuningdek, Jinoyat kodeksi 248-moddasining 4-qismida, ushbu moddada nazarda tutilgan buyumlarni o‘z ixtiyori bilan topshirgan shaxs javobgarlikdan ozod qilinishi qayd qilingan.
Navoiy viloyati, Navbahor tumanida yashovchi fuqaro R.O. ekspertiza xulosasiga ko‘ra otish uchun yaroqli bo‘lgan, 1 dona bir milli
16 kalibrli o‘q otish ov qurolini, 2019 yilning noyabr oyining oxirlariga qadar qonunga xilof ravishda, tegishli ruxsatnomasiz yashash xonadonida yashirincha saqlab kelgan.
Shundan keyin, R.O. 2019 yilning noyabr oyining oxirlarida tegishli ruxsatnomasiz saqlab kelgan 1 dona 16 kalibrli ov qurolini fuqaro E.Kdan bo‘lgan qarzi evaziga unga sotgan, o‘z navbatida fuqaro E.K. IIB boshlig‘i nomiga ov qurolini ixtiyoriy ravishda topshirish haqida ariza bilan murojaat qilib, ov qurolini ichki ishlar organiga ixtiyoriy topshirgan, shu sababli fuqaro E.K. tergov organlari tomonidan javobgarlikdan ozod qilingan.
Fuqaro R.O.ning jinoyat ishi esa 2020 yil 18 fevral kuni jinoyat ishlari bo‘yicha Navbahor tuman sudida ko‘rilib, unga O‘zbekiston Respublikasi Jinoyat kodeksi 248-moddasining 1-qismi va 248-moddasining 3-qismi bilan, Jinoyat kodeksining 57 va 59-moddalarini qo‘llagan holda, 4 yil 6 oy muddatga ozodlikdan mahrum qilish jazosi tayinlanib, sud zalidan qamoqqa olingan.
Jinoyat ishlari bo‘yicha
Navbahor tuman sudining raisi
A.Ibodov
“Zamin” yangiliklarini “Youtube”da kuzatib boring
Navbahor tuman sudining raisi
A.Ibodov
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Toshkent viloyatidagi 6 ta tumanga yangi radarlar o‘rnatiladi
Tojikiston Rossiyaga jiddiy norozilik bildirdi
Istanbul: rasmiylar bosh maydondagi norozilik namoyishini tarqatib yubordi
Sudyalar oliy kengashi «Jo‘rayevlar ishi»da tomonlarni turli xil bayonot berishdan tiyilishga chaqirdi
Namanganda 11-sinf o‘quvchisi Lacetti'da ikki talabani urib yubordi
Sirskiy Rossiya Donetsk oblastida taktik yutuqlarga erishayotgani haqida gapirdi
AQSH Haaga sudining Isroilga nisbatan tergoviga qarshi chiqyapti