MIB: Karantin soliq qarzdorligini to‘lamaslik uchun asos emas

Majburiy ijro byurosi Chilonzor tuman bo‘limi ish yurituvidagi Toshkent tumanlararo iqtisodiy sudining 04.06.2018 yil kungi ijro hujjatlariga asosan, undiruvchi Chilonzor tuman DSI foydasiga qarzdorlar “Payvandlashqurilishmontaj” UK (“Neftgazmaxsusqurilish UK)ning 1 mlrd. 078 mln. 176 ming so‘m va “Qurilish izolyatsiyasi” UKsining 1 mlrd. 202 mln. 651 ming so‘m, jami 2 mlrd. 280 mln. 828 ming so‘m miqdoridagi soliq qarzdorligi undirish belgilangan.

Byuroning Chilonzor tuman bo‘limi tomonidan joriy yilning mart oyida garovdagi Chilonzor tumani, Bunyodkor ko‘chasi, 47-uy manzilidagi ko‘chmas mulk Elektron-onlayn auksionlarida sotuvga chiqarilgan edi.

Elektron-onlayn auksionlari tashkil etish markazi davlat unitar korxonasidan kelib tushgan 2 mlrd. 353 mln. 444 ming so‘m pul mablag‘laridan, qarzdor korxonalarning jami 2 mlrd. 280 mln. 828 ming so‘m miqdoridagi soliq qarzdorligi Chilonzor tuman DSIga 2020 yil 14 aprel kuni o‘tkazib berildi. “Zamin”ni Telegramʻda oʻqing!