Kunning ma’lum qismida avtomobildan foydalanishga ruxsat beriladi

O‘zbekistonda 30 aprel kunidan ayrim karantin choralari yumshatilmoqda. Xususan, shaxsiy avtomobilda kunning ayrim vaqtlarida harakatlanishga ruxsat beriladi. Bu haqda prezident ishtirokidagi videoselektorda ma’lum qilingan.

«Fuqarolarga shaxsiy avtomobillaridan ertalab 7:00dan 10:00gacha hamda 17:00dan 20:00gacha foydalanishga ruxsat beriladi.
Bunda ishga borish-kelish, shifoxona, dori-darmon xarid qilish asosiy maqsad bo‘lishi kerak», deyiladi Ichki ishlar vaziri matbuot kotibi Shohrux G‘iyosovning telegramdagi kanalida.

Shuningdek, ota-onalarga farzandlari bilan o‘z uy atrofida sayr qilishga ruxsat beriladi. Bunda karantin qoidalariga rioya etish talab qilinadi. “Zamin”ni Telegramʻda oʻqing!