Kuni kecha Rossiya tashqi ishlar vazirligi vakili Mariya Zaxarovaning fikrlari hamyurtlarimiz tomonidan keskin qabul qilindi va shuning o‘zi ham mavjud vaziyat yuzasidan qat’iy pozitsiyamizni ma’lum qilib berdi.
Shu o‘rinda haqli savol tug‘iladi. Zaxarovaga Mustaqil O‘zbekiston qonunlariga aralashish huquqini kim berdi? Biz qonunlar, hujjatlar davlat tilida yuritilsin, mansabdorlar o‘zbek tilini hurmat qilishni o‘zlari boshlab bersin deganimiz uchun shunday munosabatmi? Respublikamizda 7 tilda ta’lim beriladigan bo‘lsa, yettita davlatdan mazkur loyihaga ruxsat olishimiz kerakmi? Yoki Rossiyaning alohida vakolati bormi?
Shu kabi javobsiz savollar talabalik yillarimni yodimga tushirdi. Rahmatli ustozimiz Rauf Parfi boshchiligida 80-yillar oxirida o‘zbek tili davlat tili bo‘lishi uchun kurashganlarimizni esladim. U vaqtda ijtimoiy tarmoq yo‘q edi. Mahallama-mahalla yurib xonadonlardan o‘zbek tili davlat tili bo‘lsin deb qo‘l qo‘ydirib Toshkentga, ustozga yuborardim. Mitinglarda oilaviy ishtirok etib bu saodatga erishish uchun kurashganmiz. O‘sha paytlari yozilgan “Gado“ nomli she’rimning oxirgi satrlari shunday edi:
Hattoki tilini tilanib yurgan
Men bitta gadoman, gadoman xolos.
Shu she’rimni yana o‘qish, yana shunga o‘xshash she’r yozishni umuman istamayman!
O‘zbek tili to‘g‘risida qonun loyihasi shu kunlarda Oliy Majlisga kiritildi va muhokamada bo‘ladi. Demak, deputatlarimizdan vatanparvarlik, uzoqni ko‘zlab ish qilish talab qilinadi.
Gulbahor SAIDG‘ANIYEVA,
Oliy Majlis Qonunchilik palatasi deputati,
“Adolat“ SDP fraksiyasi a’zosi
“Zamin” yangiliklarini “Odnoklassniki”da kuzatib boring
Oliy Majlis Qonunchilik palatasi deputati,
“Adolat“ SDP fraksiyasi a’zosi
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?