Mamlakatda karantin qoidalarini yumshatish choralari ko‘rilayotgan bo‘lishiga qaramay, Samarqand shahri hududida cheklovlar kuchaytirilgan tartibda davom ettiriladi. Bu haqda viloyat maxsus komissiyasi vakillari ishtirokidagi brifingda aytilgan.
18 maydan respublikaning ba’zi hududlarida, xususan Toshkent shahrida 06:00dan 22:00gacha shaxsiy avtomobildan foydalanish mumkin bo‘ladi. Bu «sariq» hududlarga tegishli holat. Yashil hududlar uchun esa cheklovlar oldinroq yumshatilgandi.
Ayni damda «qizil» hudud bo‘lib turgan Samarqand shahrida esa karantin cheklovlari kuchaytirilgan tartibda davom ettiriladi. Shu munosabat bilan viloyat IIB fuqarolarga murojaat bilan chiqdi:
«Bugungi kunda Samarqand shahrida karantin cheklovlari yumshatilmaganligini inobatga olib, Samarqand viloyati Ichki ishlar boshqarmasi fuqarolarni ogohlantiradi.
Hurmatli samarqandliklar! Zaruratsiz uydan chiqmang!
Ehtiyojlar uchun bozor, do‘kon yoki dorixonalarga chiqqaningizda 2 metrlik ijtimoiy masofani saqlang! O‘zingizda kasallik belgilarini sezsangiz, zudlik bilan tibbiyot xodimlariga murojaat qiling!
Karantinning barcha cheklovlariga qat’iy rioya qiling! Ko‘chada bemaqsad yurgan fuqarolar qonunchilikda belgilangan tartibda javobgarlikka tortiladilar», deyiladi IIB bayonotida.
Ijtimoiy tarmoqlarda xususan samarqandlik foydalanuvchilar ham ertaga 18 maydan shaxsiy avtomobilda harakatlanish mumkinligini muhokama qilmoqda. Ammo karantin cheklovlari yumshatilmagan Samarqand shahrida faqat zarurat sabab ko‘chaga chiqqan mashinalarning 07:00dan 10:00gacha va 17:00dan 20:00gacha harakatlanishiga ruxsat beriladi. Qolgan vaqtda harakatlangan haydovchilar jarimaga tortiladi.
Ma’lumot uchun, Samarqandda 261 kishi koronavirus yuqtirgan va ulardan 154 nafari sog‘aygan. Shuningdek, bir kishi virus sabab halok bo‘lgan. Ayni damda Samarqandda 107 kishi davolanmoqda. Oldinroq viloyatdagi «kasallik o‘choqlari» haqida ma’lumot berilgandi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Kuleba Rossiya qachon muzokaralarda ishtirok etishi mumkinligi haqida gapirdi
Buyuk Britaniya va Ukraina 100 yillik hamkorlik bo‘yicha muzokaralarni boshladi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
SSKA ustozi Fedotov Abbos Fayzullayevning jamoaga qaytgani haqida nima dedi?
Ruslanbek Jiyanov: "Yaponiya terma jamoasi bilan ikki yil avval ham to‘qnash kelganmiz"
Messi “dahshatli” ko‘rsatkich qayd etdi
Xorazmda Eron korxonalari uchun alohida sanoat zonasi tashkil etilyapti
