2 730
Rossiya foydasiga josuslik qilganlikda ayblangan o‘zbekistonlik siyosatshunos Rafik Sayfulin 12 yilga ozodlikdan mahrum qilindi
Foto: «Fergana»
O‘zbekiston Prezidenti huzuridagi Strategik va mintaqalararo tadqiqotlar institutining sobiq direktori, siyosatshunos Rafik Sayfulin davlatga xoinlik qilganlikda aybdor deb topilib, 12 yil muddatga ozodlikdan mahrum qilindi. Bu haqda O‘zbekiston Oliy sudi matbuot xizmati ma’lum qildi.
Xabar berilishicha, 2020 yil 25 may kuni O‘zbekiston Harbiy sudida Jinoyat kodeksining 157-moddasi (Davlatga xoinlik qilish) 1-qismi va 248-moddasi (Qurol, o‘q-dorilar, portlovchi moddalar yoki portlatish qurilmalariga qonunga xilof ravishda egalik qilish) 1-qismida nazarda tutilgan jinoyatlarni sodir etganlikda ayblangan Rafik Sayfulinga nisbatan jinoyat ishini ko‘rib chiqish bo‘yicha sud jarayoni nihoyasiga yetdi va sud hukmi e’lon qilindi.
«Bir necha oy davomida o‘tkazilgan yopiq sud majlisida sudlanuvchi va guvohlarning ko‘rsatmalari tinglanib tahlil qilindi. Tergov organi tomonidan to‘plangan dalillarga baho berilib, sudlanuvchining vajlari tekshirildi», — deyiladi Oliy sud xabarida.
Ma’lum qilinishicha, sud sudlanuvchi Rafik Sayfulinni yuqorida ko‘rsatilgan jinoyatlarni sodir etganlikda aybli deb topib, unga 12 yil muddatga ozodlikdan mahrum qilish jazosini tayinladi.
OAVlarning yozishicha, Rafik Sayfulin bilan birga O‘zbekiston Davlat xavfsizlik xizmati va Mudofaa vazirligining bir necha xodimi ham davlatga xoinlik qilganlikda ayblangan. Siyosatshunos 2019 yilning iyul oyida qo‘lga olingan. Rafik Sayfulin davlat sirlari va tahliliy materiallarni Rossiya tomoniga yetkazganlikda ayblangan.
Rafik Sayfulin o‘z faoliyatini SSSR Davlat xavfsizlik qo‘mitasida boshlagan. O‘zbekiston mustaqillikka erishgach, Sayfulin Prognozlashtirish va statistika davlat qo‘mitasida ishlagan. Keyinchalik u O‘zbekiston Prezidenti huzuridagi Strategik va mintaqalararo tadqiqotlar institutiga rahbarlik qilgan.
Eslatib o‘tamiz, 2020 yil fevral oyida Mudofaa vazirligiga qarashli «Vatanparvar» gazetasining sobiq muxbiri Vladimir Kaloshin davlatga xiyonatda ayblanib 12 yilga qamoq jazosiga hukm qilingandi. 2020 yilning yanvarida esa davlatga qarshi xiyonat bo‘yicha ayblangan TIVning sobiq xodimi Qodir Yusupovga sud hukmi e’lon qilingandi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda avtomashinasiga sirena o‘rnatib harakatlangan haydovchiga chora ko‘rildi
Samarqandda YPX xodimi haydovchidan pora so‘radi: “Uch kishiga tushlik olib keling”
Yangihayot tumani sudyasi pora bilan qo‘lga tushgani rad etildi
Ruslanbek Jiyanov: "Yaponiya terma jamoasi bilan ikki yil avval ham to‘qnash kelganmiz"
Xalqaro sud: Germaniya Isroilga harbiy yordamni to‘xtatishga majbur emas
G‘azo himoyasidagi oliygohlar yoxud AQSHda "talabalar bahori"
Tbilisidagi namoyishlar: politsiya qalampir gazidan foydalandi