3 ta tavsiyaga amal qilinsa, koronavirus yuqsa ham kasallik yengil kechadi

Koronavirusdan himoyalanishning qanday usullari mavjud?
Ushbu savolga Koronavirusga qarshi kurash shtabi a’zosi Barno Abdusamatova javob berdi.

"Butun dunyodagi olimlar va shifokorlarning tavsiyalari bir xil. Buni yodda qoldirish juda oson. Koronavirusni nazorat qilish qiyin emas.
Undan himoyalashning 3 ta eng muhim usuli mavjud:
- qo‘llarni doimo sovunlab yuvish;
- niqob taqish;
- oraliq masofani saqlash (2 metr). Buni fan isbotlagan.

Tibbiy niqobni har 2 soatda almashtirish kerak, niqob taqilsa — virus 80 foiz nazorat qilinadi.
Shu 3 ta tavsiyaga qunt bilan amal qilinsa, virus organizmga tushgan taqdirda ham, yuklamasi kamayadi va kasallik yengil kechadi. Buni esa nisbatan davolash oson", deydi Abdusamatova. “Zamin”ni Telegramʻda oʻqing!